యంగ్ హీరోయిన్ని రిజెక్ట్ చేసిన స్టార్ హీరో.. కారణం అదేనా??

తెలుగు పరిశ్రమలోని హ్యాండ్సమ్ హీరోలలో ఒకరు గోపీచంద్. ప్రస్తుతం సంపత్ నంది దర్శకత్వంలో సీటిమార్ అనే సినిమా చేస్తున్నాడు. ఫస్ట్ టైం గోపీచంద్ క్రీడా నేపథ్యంలో సీటిమార్ సినిమా చేస్తున్నాడు. ఇక టాలీవుడ్ లో మంచి కామెడీ ఎంటర్టైన్మెంట్ సినిమాలను తెరకెక్కించే అతికొద్ది మందిలో డైరెక్టర్ మారుతీ ఒకరు. మారుతీ తెరకెక్కించే ప్రతీ సినిమాలో మినిమం కామెడీ మెయింటైన్ చేస్తూ.. ఫ్యామిలీ ప్రేక్షకులను మెప్పిస్తూ వస్తున్నాడు. డైరెక్టర్ మారుతి 'ప్రతిరోజూ పండగే' తర్వాత తదుపరి సినిమా చేయలేదు. రవితేజతో ఓ సినిమా చేయాలని అనుకున్నాడు. కానీ ఆ ప్రయత్నం ఫెయిల్ అవ్వడంతో ఆ ప్రాజెక్ట్ ఇప్పుడు గోపీచంద్ తో ఫైనల్ చేసాడు. త్వరలోనే సెట్స్ పైకి వెళ్లనున్న ఈ సినిమాలో కుర్రభామ రాశిఖన్నాను హీరోయిన్ గా తీసుకోవాలని భావించాడట మారుతీ. 'ప్రతిరోజూ పండగే' సినిమాలో ఆమెతో కలిసి వర్క్ చేసిన మారుతీ రాశితో మరో సినిమా చేయాలనీ అనుకున్నాడు.

ఇదే విషయాన్నీ హీరో గోపీచంద్ తో చెప్పాడట. అందుకు గోపీచంద్ ససేమిరా అనేసాడట. ఇదివరకే గోపీచంద్, రాశి కలిసి జిల్, ఆక్సిజన్ సినిమాలలో నటించారు. అందులో జిల్ పర్వాలేదని అనిపించగా.. 'ఆక్సిజన్' సినిమా ప్లాప్ అయింది. పైగా ప్రస్తుతం రాశిఖన్నా కెరీర్ కూడా అంత జోరుగా లేదు. శ్రీనివాసకళ్యాణం, అయోగ్య, వెంకీమామ, వరల్డ్ ఫేమస్ లవర్ ఇలా వరుసగా అమ్మడి కెరీర్ నిరాశజనకంగా ఉంది. మరి డిజాస్టర్ లలో ఉంది కదా.. అని అలాగే మొదటి సినిమా యావరేజ్, రెండో సినిమా ప్లాప్ అవ్వడంతో ఇక మూడోసారి జతకడితే రిజల్ట్స్ ఎలా ఉంటుందో అనే భయంతో గోపీచంద్ నో చెప్పినట్లు ఇండస్ట్రీ టాక్. ఇక కారణాలు ఏమైనా గోపీచంద్ మాత్రం రాశి వద్దని నేరుగా మారుతికి చెప్పినట్లు సమాచారం. కావాలంటే కొత్త హీరోయిన్ ఎవరినైనా తీసుకోమంటూ సలహా ఇచ్చినట్లు తెలుస్తోంది. ప్రస్తుతం మారుతీ టీమ్ కొత్త హీరోయిన్ని వెతికే పనిలో పడ్డారట. చూడాలి మరి గోపీచంద్ సరసన ఏ హీరోయిన్ కన్ఫర్మ్ కానుందో..!!