మేకప్ లేకుండా దర్శనమిచ్చిన స్టార్ హీరోయిన్.. అలాగే ఉందిగా!

స్టార్ హీరోయిన్ పూజాహెగ్డే గురించి గ్లామర్ ప్రియులకు ప్రత్యేకంగా పరిచయం చేయాల్సిన అవసరం లేదు. ఇటువైపు సౌత్ ఇండస్ట్రీలో అటువైపు బాలీవుడ్ ఇండస్ట్రీలో స్టార్ హీరోయిన్ గా కొనసాగుతుంది. పూజాకు ఫస్ట్ నుండి ఇండస్ట్రీలో మంచి ఫాలోయింగ్ సొంతం చేసుకుంది. ముకుంద సినిమాతో తెలుగులో అడుగుపెట్టిన పూజ.. తక్కువ టైంలోనే టాలీవుడ్ ప్రేక్షకుల అభిమానం దక్కించుకుంది. ఇక టాలీవుడ్ ఇండస్ట్రీ స్టార్ హీరోలు మహేష్ బాబు, అల్లు అర్జున్, ఎన్టీఆర్, ప్రభాస్ లాంటి హీరోల సరసన సినిమాలు చేస్తూ అమ్మడు స్టార్ హీరోయిన్ అనే స్టేటస్ సంపాదించుకుంది. పూజకు సినిమాల పరంగానే కాకుండా అటు సోషల్ మీడియాలో కూడా మిలియన్స్ ఫాలోయింగ్ కలిగి ఉంది. సోషల్ మీడియాలో ఎల్లప్పుడూ యాక్టీవ్ గా ఉండే హీరోయిన్ లలో పూజహెగ్డే మొదటి వరుసలో ఉంటుంది.

తాజాగా అమ్మడు ఇంస్టాగ్రామ్ వేదికగా ఓ స్పెషల్ పోస్ట్ పెట్టింది. ఆ పోస్ట్ చూస్తే మేకప్ లేని పూజ ఒరిజినల్ ఫేస్ చూడవచ్చు. అయితే పూజ మేకప్ లేకుండా కూడా అంతే అందంగా ఉంది. అందుకే అభిమానులు అలా కళ్ళప్పగించి చూస్తున్నారు. ఈరోజు పూజ షూట్‌కు వెళ్తుండగా తన కారులో నుండే చిన్న వీడియోను రికార్డ్ చేసి ఇంస్టాగ్రామ్ లో పోస్ట్ చేసింది. ఆ వీడియోలో.. పూజా పొద్దునే చల్లగాలిని ఆస్వాదించడం, అందంగా జుట్టును సరిచేసుకోవడం మనం చూడవచ్చు. అంతేగాక సన్ గ్లాసెస్ ధరించిన పూజను చూస్తే ఫిదా అవ్వాల్సిందే. ఇదిలా ఉండగా ప్రస్తుతం పూజ చేతినిండా భారీ ప్రాజెక్టులతో బిజీగా ఉంది. ప్రభాస్ సరసన రాధేశ్యామ్, అఖిల్ సరసన మోస్ట్ ఎలిజిబుల్ బ్యాచిలర్ సినిమాలు ప్రస్తుతం విడుదల సిద్ధం అవుతున్నాయి. ఇక ఆచార్యలో రాంచరణ్ జోడిగా పూజ నటిస్తోంది. అలాగే పలు బాలీవుడ్ సినిమాలలో కూడా పూజ నటిస్తోంది.