స్టార్ హీరో నిర్మాత మ‌ధ్య విభేధాలు తెచ్చిన ముప్పు!

స్నేహితుల మ‌ధ్య అభిప్రాయ విభేధాలు స‌హ‌జం. క్రియేటివిటీ ప‌రంగా చాలా వైరుధ్యాలుంటాయి. విభేధాలుంటాయి.. కానీ ఇప్పుడు స్నేహితుల మ‌ధ్య ఇంకేదో జ‌రుగుతోంది. ఆ ఇద్ద‌రు దిగ్గ‌జాల విభేధాల వ‌ల్ల ఇద్ద‌రు స్టార్లు త‌మ అవ‌కాశాల‌ను కోల్పోవ‌డం బాలీవుడ్ లో చ‌ర్చ‌నీయాంశ‌మైంది.

కొన్ని వారాల క్రితం గ్రేట్ ఫ్రెండ్స్ సల్మాన్ ఖాన్ - సాజిద్ నడియాడ్ వాలా మ‌ధ్య ఏదో జ‌రుగుతోంద‌ని బాలీవుడ్ మీడియాలో క‌థ‌నాలొచ్చాయి. వారి త‌దుప‌రి చిత్రం కభీ ఈద్ కభీ దీపావళి విష‌యంలో ఇద్ద‌రి మ‌ధ్యా చెడింద‌ని గుస‌గుస‌లు వినిపించాయి. కొన్ని వ‌రుస‌ సంఘటనల విపరీతమైన మలుపుల అనంత‌రం సాజిద్ ఈ ప్రాజెక్ట్ కి నిర్మాతగా వైదొలగాలని నిర్ణయించుకున్నాడు. ప్రాజెక్ట్ పై సల్మాన్ ను నియంత్రించాలని అత‌డు నిర్ణయించుకున్నాడు. తాజా నివేదికలను విశ్వసిస్తే.. ఇప్పుడు శ్రేయాస్ తల్పాడే - అర్షద్ వార్సీల స్థానంలో ఆయుష్ శర్మ-జహీర్ ఇక్బాల్ లను స‌ల్మాన్ ఎంపిక చేసుకున్నార‌ట‌.

శ్రేయాస్ తల్పాడే - అర్షద్ వార్సీల స్థానంలో త‌న వాళ్ల‌తో రీప్లేస్ చేసారు భాయ్. ఇప్పుడు సల్మాన్ ఖాన్ కి ఆయుష్ శర్మ .. జహీర్ ఇక్బాల్ అతని సోదరులుగా న‌టిస్తున్నారు. పూజా హెగ్డే సల్మాన్ ప్రేమికురాలిగా క‌నిపిస్తుంది. ఇందులో సౌత్ స్టార్ హీరో విక్ట‌రీ వెంకటేష్ కీలకమైన సమాంతర కథానాయకుడిగా నటించేందుకు తెరపైకి వచ్చారని తెలుస్తోంది. అంతకుముందు ఆయుష్ ఆ పాత్ర అంత పెద్దది కాకపోవడంతో సినిమా నుంచి తప్పుకున్నారు. కానీ ఆ తర్వాత మళ్లీ అందులో భాగమయ్యేందుకు ఉత్సాహం చూపించారు. ఇప్పుడు ఈ చిత్రంలో సల్మాన్ తో కలిసి నటిస్తున్నాన‌ని అధికారికంగా ప్ర‌క‌టిస్తార‌ని తెలుస్తోంది.

భాయ్ తో సాజిద్ విభేధాలు దేనికి? అన్న‌ది ఆరా తీస్తే చాలా సంగ‌తులే తెలిసాయి. సాజిద్ వ‌రుస వైఫ‌ల్యాలే ఈ విభేధాల‌కు కార‌ణ‌మ‌య్యాయి. బాఘీ 3- తడప్ స‌హా ఇటీవల వచ్చిన బచ్చన్ పాండే విఫలమైన తర్వాత 'కభీ ఈద్ కభీ దీపావళి'ని నిర్మించడంపై సాజిద్ సందేహం వ్యక్తం చేసినట్లు ప‌లు క‌థ‌నాలు వెల్ల‌డించాయి. అతను సినిమా బడ్జెట్.. దాని స్క్రిప్ట్ తో పాటు సినిమా మొత్తం సెటప్ తో పాటు కీలక పాత్రల తారాగణం గురించి పునరాలోచించాలని కోరుకున్నాడు.

అయితే సల్మాన్ స్క్రిప్ట్ పై ఎంతో నమ్మకం పెట్టుకున్నాడు. సాజిద్ రీసెంట్ గా ఫెయిల్ అయిన ప్రాజెక్ట్స్ కి ఈ సినిమాకి ఎలాంటి సంబంధం లేదని అభిప్రాయపడ్డాడు. త‌న‌కు స్క్రిప్టు ప‌రంగా కొన్ని స‌రిపోలేద‌ని అన్నాడు. సృజనాత్మకత విషయంలో సల్మాన్ - సాజిద్ ఒకే ఒర‌లో ఉండలేకపోయారు. సాజిద్ ప్రాజెక్ట్ పైనా త‌న స్టార్ డమ్ పైనా తగినంత నమ్మకం ఉంచడం లేదని సల్మాన్ భావించాడు. అయితే సల్మాన్ ప్ర‌తిదీ చాలా తేలికగా తీసుకుంటున్నాడని సాజిద్ భావించాడు. చివరికి సాజిద్ నిర్మాణం నుంచి తప్పుకోవాలని నిర్ణయించుకున్నాడు. సల్మాన్ ఇప్పుడు అతని నుండి స్క్రిప్ట్ ను తీసుకున్నాడు.

ఫర్హాద్ సామ్జీ దర్శకత్వం వహిస్తున్న 'కభీ ఈద్ కబీ దీపావళి' లో సల్మాన్ - పూజా హెగ్డే మొదటిసారి జంట‌గా న‌టిస్తున్నారు. ఇది మేలో ప్రారంభమై.. ముగింపు వరకు బ్రేక్ లేకుండా చిత్రీక‌ర‌ణ పూర్తి చేస్తారు. డిసెంబర్ 30న మూవీ విడుదలయ్యే అవకాశం ఉందని తెలుస్తోంది.