ఉస్తాద్ హీరోను ఢీకొట్టే విలన్.. ఆ స్టారేనా??

సౌత్ ఇండియన్ స్టార్ యాక్టర్ మాధవన్ అంటే.. తెలుగు రాష్ట్రాలలో కూడా మంచి ఫ్యాన్ ఫాలోయింగ్ ఉంది. ఎందుకంటే మాధవన్ నటించిన సూపర్ హిట్ మూవీస్ అన్నికూడా తెలుగులోకి డబ్బింగ్ వెర్షన్ రిలీజ్ అవుతూ వస్తున్నాయి. మాధవన్ లవర్ బాయ్ గా మారినటువంటి సఖి - చెలీ.. సినిమాలు మొదలుకొని రీసెంట్ మారా సినిమా వరకు డబ్ అవుతూనే ఉన్నాయి. అలాగే మాధవన్ కూడా అప్పుడప్పుడు నేరుగా తెలుగు సినిమాలు చేస్తున్నాడు. సవ్యసాచి సినిమాతో టాలీవుడ్ ఇండస్ట్రీలో చాలకాలం తర్వాత అడుగుపెట్టిన మ్యాడీ.. ఆ సినిమాలో విలన్ రోల్ చేసి అలరించాడు. ఆ తర్వాత నిశ్శబ్దం సినిమాలో కూడా నెగటివ్ రోల్ చేసి మెప్పించాడు.

కానీ ఇంతవరకు ఫుల్ ఫ్లెడ్జిడ్ కమర్షియల్ విలన్ గా మాత్రం చేయలేదు. అయితే తాజాగా వినిపిస్తున్న ఇండస్ట్రీ టాక్ బట్టి త్వరలోనే మాధవన్ ఊరమాస్ విలన్ క్యారెక్టర్ చేయనున్నట్లు తెలుస్తుంది. అదికూడా తమిళ - తెలుగు బైలింగ్వేల్ సినిమాలో.. టాలీవుడ్ ఎనర్జిటిక్ హీరోకు ధీటుగా అని టాక్. ప్రస్తుతం టాలీవుడ్ ఎనర్జిటిక్ హీరో రామ్ మాస్ అంశాలతో కూడిన ఓ సినిమా ఓకే చేసాడు. డైరెక్టర్ లింగుస్వామి దర్శకత్వంలో తెరకెక్కనున్న ఈ సినిమా మాస్ యాక్షన్ కథాంశంతో రాబోతుంది. అయితే ప్రస్తుతం స్క్రిప్ట్ రెడీ చేసుకొని షూటింగ్ కు సిద్ధమైన ఈ సినిమాలో విలన్ క్యారెక్టర్ గురించి ఇండస్ట్రీలో చర్చలు జరుగుతున్నాయి.

మరి తాజా సమాచారం ప్రకారం.. ఎంతవరకు నిజమో తెలియదు కానీ ఈ సినిమాలో మాధవన్ విలన్ రోల్ చేయనున్నట్లు సోషల్ మీడియాలో కథనాలు వినిపిస్తున్నాయి. ఇదివరకు మాధవన్ విలన్ రోల్స్ చేసాడు. కానీ అవన్నీ చొక్కా నలగకుండా మరకలు పడకుండా డిజైన్ చేసినవి. మరి లింగుస్వామి సినిమా అంటే విలన్స్ ఎలా ఉంటారో తెలిసిందే. అందులోను కమర్షియల్ సినిమా కాబట్టి ఖచ్చితంగా ఊరమాస్ యాక్షన్ జోడించి హీరోతో ఫైట్ చేయాల్సి ఉంటుంది. మరి ఇంకా రామ్ - లింగుస్వామి సినిమా విలన్ రోల్ క్లారిటీ అయితే రాలేదు కానీ వార్తలు వైరల్ అవుతున్నాయి. ఒకవేళ మాధవన్ విలన్ రోల్ ఓకే అయితే మాత్రం పోరు వేరేలా ఉంటుందని నేటిజన్లు కామెంట్స్ చేస్తున్నారు. ఈ సినిమాలో కుర్రబ్యూటీ కృతిశెట్టి హీరోయిన్ గా నటిస్తోంది.