వారియ‌ర్ టీజ‌ర్ వేట‌కి డేట్ ఫిక్సైంది!

ఫుల్ ఫామ్ లో ఉన్న ఎన‌ర్జిటిక్ స్టార్ రామ్ వేగానికి `రెడ్` సిగ్నెల్ ప‌డిన సంగ‌తి తెలిసిందే. వ‌రుస స‌క్సెస్ ల మీదున్న రామ్ వేగాన్ని ఆ సినిమా త‌గ్గించింది. దీంతో రామ్ టాలీవుడ్ మేక‌ర్ల‌ని ప‌క్క‌న‌బెట్టి కోలీవుడ్ యాక్ష‌న్ చిత్రాల ద‌ర్శ‌కుడు లింగు స్వామిని రంగంలోకి దించాడు. ప్ర‌స్తుతం అత‌ని ద‌ర్శ‌క‌త్వంలోనే `ది వారియ‌ర్` సినిమాలో న‌టిస్తున్నాడు.

రామ్ ఎన‌ర్జీకి ఏమాత్రం త‌గ్గ‌కుండా లింగుస్వామి మార్క్ ప‌క్కా యాక్ష‌న్ ఎంట‌ర్ టైన‌ర్ ఇది. ఇప్ప‌టికే రిలీజ్ అయిన ప్ర‌చార చిత్రాలతో సినిమాకి అన్ని వైపులా పాజిటివ్ బ‌జ్ క్రియేట్ అవుతుంది. అటు ఆడియో రిలీజ్ కి ముందే మ్యూజిక్ ప్రియుల్లో సెన్సేష‌న్ సృష్టిస్తుంది. బుల్లెట్ పాట‌కి శ్రోత‌ల నుంచి మంచి రెస్పాన్స్ వ‌చ్చింది. కృతి శెట్టి సోష‌ల్ మీడియాలో చేస్తోన్న అద‌న‌పు ప్ర‌చారం సినిమాని పైకి లేపుతుంది.

తాజాగా మేక‌ర్స్ వారియ‌ర్ యాక్ష‌న్ షురూ చేయ‌డానికి రెడీ అవుతున్నారు. ఈనెల 14న టీజ‌ర్ రిలీజ్ చేస్తున్న‌ట్లు ప్ర‌క‌టించారు. సాయంత్రం 5.31 నిమిషాల్ని టీజ‌ర్ రిలీజ్ ముహూర్తంగా ఫిక్స్ చేసారు. టీజ‌ర్ రిలీజ్ డేట్ పోస్ట‌ర్ లో రామ్ యాక్ష‌న్ లుక్ ఫ్యాన్స్ కి డ‌బుల్ కిక్ ఇస్తుంది. జావా బైక్ పై వారియ‌ర్ దూసుకొస్తున్నాడు.

ఇందులో రామ్ స‌త్య ఐపీఎస్ పాత్ర‌లో న‌టిస్తున్నాడు. స‌త్య పాత్ర సినిమాలో చాలా సీరియ‌స్ యాక్ష‌న్ రోల్ గా సాగుతుంద‌ని తెలుస్తుంది. రామ్ ఎన‌ర్జీని మ్యాచ్ అయ్యేలా యాక్ష‌న్ స‌న్నివేశాలు ప్ర‌ధానంగా హైలైట్ అవుతాయ‌ని తెలుస్తోంది. ప్ర‌స్తుతం ఈ పోస్ట‌ర్ నెట్టింట వైర‌ల్ గా మారింది. ఇందులో రామ్ కి జోడీగా కృతీశెట్టి న‌టిస్తుంది.

ఆది పినిశెట్టి విలన్ పాత్ర పోషిస్తున్నాడు. హీరోకి ధీటుగా ఈ పాత్ర ఉంటుంద‌ని తెలుస్తుంది. అలాగే అక్షర గౌడ్‌ కీలకపాత్రలో కనిపించనున్నారు. ఈ చిత్రాన్ని పవన్ కుమార్‌ సమర్పణలో శ్రీనివాస్ చిట్టూరి నిర్మిస్తున్నారు. రాక్ స్టార్ దేవి శ్రీ ప్ర‌సాద్ సంగీతం అందిస్తున్నారు.