బాలయ్యను లైన్లో పెట్టిన యువ దర్శకుడు..!

నందమూరి బాలకృష్ణ నటించిన'అఖండ'. ఈ మూవీ బాక్సాఫీస్ వద్ద ఘన విజయం సాధించిన సంగతి అందరికీ తెల్సిందే. బోయపాటి శ్రీను-బాలయ్య కాంబినేషన్ మరోసారి సెన్సేషనల్ హిట్ అనిపించుకుంది.'సింహా''లెజెండ్''అఖండ' వంటి బ్లాక్ బస్టర్ విజయాలతో వీరిద్దరి కాంబినేషన్ టాలీవుడ్లో ట్రెండ్ సెట్టర్ గా నిలిచింది.

'అఖండ'లో బాలకృష్ణ ద్విపాత్రాభినయం చేయగా అఘోర పాత్ర సినిమాకు హైలెట్ నిలిచింది. బోయపాటి యాక్షన్ సన్నివేశాలు తెరకెక్కించిన విధానం.. థమన్ బీజీఎం ఓ రేంజులో అభిమానులకు ఆకట్టుకుంది. బాలకృష్ణ కెరీర్లో బిగ్గెస్ట్ హిట్టుగా'అఖండ' రికార్డు నెలకొల్పింది. ఈ మూవీ తర్వాత బాలకృష్ణ 107వ సినిమాగా 'వీరసింహారెడ్డి' రాబోతుంది.

దర్శకుడు గోపీచంద్ మలినేని ఈ సినిమాను ఫుల్ లెన్త్ కామెడీ యాక్షన్ గా తెరకెక్కిస్తున్నాడు. బాలయ్యకు జోడీగా శృతిహాసన్ నటిస్తోంది.

ఒక సాంగ్ మినహా ఈ మూవీ షూటింగ్ పూర్తయినట్లు సమాచారం. 2023 సంక్రాంతి కానుకగా ఈ చిత్రాన్ని విడుదల చేయనున్నట్లు చిత్ర బృందం ఇప్పటికే అధికారికంగా ప్రకటించింది.

ఈ నేపథ్యంలోనే బాలయ్య తదుపరి మూవీపై అభిమానుల్లో ఆసక్తి నెలకొంది. బాలకృష్ణ 108వ సినిమాను డీవీవీ దానయ్య భారీ బడ్జెట్లో నిర్మించబోతున్నాస్తారనే టాక్ వినిపిస్తోంది. ఈ చిత్రాన్ని యువ దర్శకుడు ప్రశాంత్ వర్మ తెరకెక్కించనున్నాడనే ప్రచారం టాలీవుడ్ సర్కిల్స్ లో జరుగుతోంది. బాలకృష్ణ హోస్టు చేస్తున్న'అన్ స్టాబుల్-2' షో టీజర్ కు ప్రశాంత్ వర్మ దర్శకత్వం చేశాడు.

ఇటీవల విడుదలైన'అన్ స్టాపబుల్-2' టీజర్ కు మంచి ఆదరణ లభించింది. ఈ క్రమంలోనే దర్శకుడు ప్రశాంత్ వర్మ బాలకృష్ణకు ఓ కథను విన్పించగా గ్రీన్ సిగ్నల్ ఇచ్చినట్లు తెలుస్తోంది. దీనిపై త్వరలోనే అధికారిక ప్రకటన వచ్చే అవకాశం ఉంది. మరోవైపు దర్శకుడు అనిల్ రావిపూడితో ఓ సినిమా చేసేందుకు బాలయ్య రెడీ అవుతున్నాడు.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.