సూర్య సినిమాకి థియేటర్లు దొరుకుతాయా?

కోలీవుడ్ స్టార్ హీరో సూర్య నటించిన సింగం 3 రిలీజ్ కి రెడీ అవుతోంది. ఈ మూవీ గత దీపావళికే రావాల్సి ఉంది కానీ.. రకరకాల కారణాలతో పోస్ట్ పోన్ అవుతూ ఇప్పటికి ఓ డేట్ ఫైనల్ చేసుకుంది. గణతంత్ర దినోత్సవ సందర్భంగా.. జనవరి 26న విడుదల చేయబోతున్నట్లు నిర్మాతలు అనౌన్స్ చేశారు. తెలుగులో ఎస్3 అనే టైటిల్ పై యముడు3 అనే ట్యాగ్ లైన్ తో ఈ మూవీ రిలీజ్ కానుంది.

తమిళనాడులో విజయ్ భైరవకు ఫ్లాప్ టాక్ వచ్చింది కాబట్టి.. థియేటర్లు దొరకడం కష్టమేం కాదు. కానీ తెలుగు వెర్షన్ కి వచ్చేసరికి సమస్య వస్తోంది. ప్రస్తుతం చిరంజీవి మూవీ ఖైదీ నంబర్ 150.. బాలయ్య గౌతమిపుత్ర శాతకర్ణిలు.. విపరీతంగా ఆడేస్తున్నాయి. అంచనాలకు మించి పెర్ఫామ్ చేస్తున్నాయి. రీసెంట్ గా వచ్చిన శతమానం భవతి కూడా ఫ్యామిలీ ఆడియన్స్ కు నచ్చేసింది. వీటికి తోడు బాలీవుడ్ మూవీస్ కూడా వస్తున్నాయి. బలం పేరుతో హృతిక్ కాబిల్.. షారూక్ ఖాన్ నటించిన రాయీస్ లు కూడా రిపబ్లిక్ డే సందర్భంగా రానున్నాయి.

మరి వీటన్నిటినీ కాదని.. ఇప్పుడు థియేటర్లలో ఉన్న చిరు-బాలయ్యల సినిమాలు తీసేసి సూర్య నటించి ఎస్3 కి థియేటర్లు ఇస్తారా అన్నదే అసలు సమస్య. మెట్రోల విషయానికి వస్తే హిందీ సినిమాలకు డిమాండ్ ఉంటుంది. బీ సీ సెంటర్లలో చిరు-బాలయ్య సినిమాలు అడ్డం పడతాయి. ఎలా చూసినా సింగం3.. తెలుగు వెర్షన్ కు షాక్ తప్పేట్లుగా లేదు.


Like Us on Facebook : https://www.facebook.com/Tupakidotcom/