అజిత్ తునివు అరుదైన ఫీట్

తమిళ స్టార్ హీరో అజిత్ గురించి తెలుగు వారికి ప్రత్యేకంగా పరిచయం చేయాల్సిన అవసరం లేదు. గతంలో ఆయన చేసిన అనేక సినిమాలు తెలుగులో డబ్బింగ్ రిలీజ్ అయ్యేవి. ఇప్పుడు కూడా ఆయనకు తెలుగులో చెప్పుకోదగ్గ మార్కెట్ ఉండడంతో చేస్తున్న తమిళ సినిమాలను తెలుగులో కూడా రిలీజ్ చేస్తున్నారు.

ఈసారి సంక్రాంతికి అజిత్ తునివు అనే సినిమాతో తమిళ ప్రేక్షకుల ముందుకు వచ్చారు. అదే సినిమాని తెలుగులో తెగింపు అనే పేరుతో రిలీజ్ చేశారు. బోని కపూర్ నిర్మాణంలో వినోద్ దర్శకత్వంలో తెరకెక్కిన ఈ సినిమా సంక్రాంతి సందర్భంగా విడుదలై మంచి బిజినెస్ చేసింది. ఓపెనింగ్ నుంచి సినిమాకి మిశ్రమ స్పందన లభించిన సరే... కేవలం అజిత్ చరిష్మాతో సినిమాకి మంచి నెంబర్లైతే లభిస్తున్నాయి. తాజాగా ఈ సినిమా నార్త్ అమెరికా ప్రాంతంలో వన్ మిలియన్ డాలర్ క్లబ్ లో చేరినట్లుగా సినిమా యూనిట్ ప్రకటించింది. అజిత్ కెరియర్లో విడుదలైన అనేక సినిమాలలో కేవలం తునివు సినిమా మాత్రమే ఈ అరుదైన ఫీట్ సాధించింది అంటూ అజిత్ ఫ్యాన్స్ ఆనందం వ్యక్తం చేస్తున్నారు.

వాస్తవానికి నార్త్ అమెరికా ప్రాంతంలో అజిత్ మార్కెట్ అంత బలంగా లేదు కానీ... ఈ తునివు సినిమాతో అక్కడ కూడా ఆయన వన్ మిలియన్ డాలర్ క్లబ్లో ప్రవేశించడంతో మా వాడి మార్కెట్ అక్కడ కూడా బలపడింది అంటూ అభిమానులు ఆనందం వ్యక్తం చేస్తున్న పరిస్థితి కనిపిస్తోంది. తెలుగులో వాల్తేరు వీరయ్య, వీర సింహారెడ్డి లాంటి సినిమాలు మంచి వసూళ్ల రాపడుతుంటే తమిళంలో తునివు, వారసు మధ్య మంచి పోటీ ఉంది రెండు సినిమాలు పోటాపోటీగా అనేక ప్రాంతాల్లో వసూళ్లు రాబడుతున్న పరిస్థితి కనిపిస్తోంది.

జి స్టూడియో తో పాటు బోనీకపూర్ సంయుక్తంగా నిర్మించిన ఈ సినిమాలో మంజువారి హీరోయిన్ పాత్రలో నటించగా సముద్ర ఖని , కొక్కెన్ పావని రెడ్డి వంటి వారు ఇతర కీలక పాత్రలను నటించారు. గిబ్రాన్ అందించిన మ్యూజిక్ సినిమాకి బాగా ప్లస్ అయింది బ్యాంకు రాబడి నేపథ్యంలో సాగిన ఈ సినిమా ప్రేక్షకులందరికీ ఆకట్టుకుంది.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.