బాలయ్యకు గోపీచంద్ సినిమాకు సంబంధం!

హీరోగా గోపీచంద్‌ కమర్షియల్‌ సక్సెస్ లు దక్కించుకోలేక పోతున్నా కూడా అదృష్టం కొద్ది ఆయనకు వరుసగా ఆఫర్లు వస్తున్నాయి. బాక్సాఫీస్ వద్ద ఆయన సినిమాలు నిరుత్సాహ పర్చుతున్నా కూడా దర్శకులు తమ కథల కోసం ఆయన్ను ఎంపిక చేసుకుంటున్నారు. గోపీచంద్‌ హిట్ కొట్టి చాలా కాలం అయినా కూడా ప్రస్తుతం ఆయన చేతిలో చాలా సినిమాలే ఉన్నాయి. ఒక వైపు ఆయన నటించిన సిటీ మార్ విడుదలకు సిద్దం అవ్వగా మారుతి దర్శకత్వంలో పక్కా కమర్సియల్‌ మూవీ రెడీ అవుతుంది.

మారుతి సినిమా పై చాలా ఆశలు ఉన్నాయి. సిటీ మార్ కూడా తప్పకుండా విజయాన్ని సొంతం చేసుకుంటుందనే నమ్మకం వ్యక్తం అవుతుంది. ఇలాంటి సమయంలో గోపీచంద్‌ మరో సినిమాను కమిట్‌ అయ్యాడు. అదే శ్రీవాస్ దర్శకత్వంలో రూపొందబోతుంది. లక్ష్యం మరియు లౌక్యం సినిమాలతో వీరి జోడీ ఇప్పటికే ప్రేక్షకులను అలరించారు. మళ్లీ ఇన్నాళ్ల తర్వాత వీరిద్దరి కాంబోలో మూవీ రాబోతుంది. అది హ్యాట్రిక్ అవుతుంది అంటూ చాలా నమ్మకంగా అభిమానులు చెబుతున్నారు. ఈ సమయంలో కొందరు నెటిజన్స్ ఈ సినిమాకు బాలయ్యకు లింక్ అంటూ ప్రచారం చేస్తున్నారు. మీడియా వర్గాల్లో కూడా గోపీచంద్‌ చేయబోతున్న సినిమాకు బాలయ్యకు లింక్ ఉందంటూ కామెంట్స్ చేస్తున్నారు.

బాలకృష్ణ తో గతంలో సినిమాను చేసిన శ్రీవాస్ మళ్లీ సినిమాను చేసేందుకు కథను సిద్దం చేశాడట. బాలయ్య కోసం కథను సిద్దం చేసుకుని పలు సార్లు ఆయన్ను కలిశాడట. ఆ సమయంలో శ్రీవాస్ చెప్పిన కథ కు బాలయ్య కూడా ఓకే అన్నట్లుగానే సమాధానం ఇచ్చాడట. కాని కొన్ని కారణాల వల్ల సినిమా ఆలస్యం అవుతూ ఉండటంతో శ్రీవాస్ అదే కథతో గోపీచంద్‌ తో సినిమాను చేసేందుకు సిద్దం అయ్యాడు అంటూ వార్తలు వస్తున్నాయి.

గోపీచంద్‌ ఇమేజ్‌ కు తగ్గట్లుగా కథను మార్చి బడ్జెట్ విషయంలో కాస్త మార్పులు చేర్పులు చేసి గోపీచంద్‌ తో శ్రీవాస్ సినిమాను చేయబోతున్నాడు అంటున్నారు. బాలయ్యకు నచ్చిన కథ అవ్వడంతో తప్పకుండా ఈ సినిమా బాగుంటుంది అంటూ కొందరు కామెంట్స్ చేస్తూ ఉంటే మరి కొందరు మాత్రం ఈ సినిమా కథ విషయంలో అనుమానాలు వ్యక్తం చేస్తున్నారు. బాలయ్యకు చెప్పిన కథ ఇది కాదు.. అది ఇది రెండు వేరు వేరు అన్నట్లుగా కొందరు కామెంట్స్ చేస్తున్నారు. మొత్తానికి బాలకృష్ణ మరియు శ్రీవాస్ ల మూవీ క్యాన్సిల్‌ అవ్వడం గోపీచంద్‌ మూవీ పట్టాలెక్కడం వల్ల కథ విషయంలో ఈ అనుమానాలు వ్యక్తం అవుతున్నాయి.

ఈ విషయంలో అసలు విషయం క్లారిటీ రావాలంటే దర్శకుడు శ్రీవాస్ స్పందించాల్సి ఉంది. దర్శకుడు శ్రీవాస్ ఈ సినిమా పై చాలా నమ్మకం పెట్టుకున్నాడు. కమర్షియల్‌ చిత్రాల దర్శకుడిగా మంచి పేరును దక్కించుకున్న ఈయన బ్యాక్ టు బ్యాక్ ప్లాప్ ల వల్ల కెరీర్ లో ఇబ్బందులు ఎదుర్కొంటున్నాడు. గోపీచంద్‌ తో ఈ సినిమాను సక్సెస్ చేసుకుంటే బాలయ్య పిలిచి మరీ అవకాశం ఇచ్చే అవకాశాలు ఉన్నాయి. మరి శ్రీవాస్ కు గోపీచంద్‌ మూవీ సక్సెస్ ను తెచ్చి పెడుతుందా అనేది చూడాలి.