అక్కడ కంటే ఇక్కడే ఎక్కువ క్రేజ్ ఉందట

ఈమద్య కాలంలో సినిమాలు అనేవి భాష అనే హద్దులను చెరిపి వేశాయి. ఈ భాష సినిమాలు ఆ భాషలో డబ్‌ అయ్యి సక్సెస్ దక్కించుకుంటూ ఉంటే.. ఆ భాష సినిమాలు ఈ భాషలో సక్సెస్ అవుతున్నాయి. కనుక ప్రతి భాషలో రూపొందిన సినిమా పక్క భాషలో డబ్బింగ్ అయ్యి ప్రేక్షకుల ముందుకు వెళ్తున్నాయి. మినిమంగా ఆడినా కూడా మంచి లాభాలను తెచ్చి పెడుతున్నాయి. కనుక ప్రతి సినిమా ఈమద్య కాలంలో డబ్బింగ్‌ చేసేందుకు ప్రయత్నాలు చేస్తున్నాయి. డబ్బింగ్ మరియు రీమేక్ సినిమాల టైమ్ నడుస్తున్న ఈ సమయంలో తమిళంలో రూపొందుతున్న 'లాబం' సినిమాను తెలుగు లో పెద్ద ఎత్తున విడుదల చేసేందుకు ఏర్పాట్లు చేస్తున్నారు.

విజయ్ సేతుపతి మరియు శృతి హాసన్‌ జంటగా నటించిన లాబం సినిమా వచ్చే నెలలో ప్రేక్షకుల ముందుకు రాబోతున్న విషయం తెల్సిందే. తెలుగు లో లాబం ను అదే టైటిల్ తో డబ్ చేస్తున్నారు. తెలుగు లో మంచి క్రేజ్ ఉన్న స్టార్స్ అయి విజయ్‌ సేతుపతి మరియు శృతి హాసన్ లు కలిసి నటించిన సినిమా అవ్వడం వల్ల అంచనాలు పీక్స్ లో ఉన్నాయి. అంచనాలకు ఏమాత్రం తగ్గకుండా లాబం సినిమా ఉంటుంది అంటున్నారు. తమిళంలో నాలుగు సంవత్సరాలుగా శృతి హాసన్ సినిమా చేసిందే లేదు. కనుక కోలీవుడ్‌ లో కంటే టాలీవుడ్ లోనే లాబం సినిమాకు మంచి క్రేజ్ ఉంది అంటూ కామెంట్స్ వినిపిస్తున్నాయి.

ఎస్పీ జననాథన్‌ దర్శకత్వంలో రూపొందిన ఈ సినిమా తెలుగు నేటివిటీకి దగ్గర ఉంటుందని.. ఇదో పొలిటికల్‌ డ్రామా అన్నట్లుగా మేకర్స్ చెబుతున్నారు. తెలుగు లో తప్పకుండా ఈ సినిమా మంచి విజయాన్ని సొంతం చేసుకుంటుంది అనే నమ్మకంతో అంతా ఉన్నారు. తమిళంలో విజయ్‌ సేతుపతికి మంచి డిమాండ్ ఉంది. కాని తెలుగులో మాత్రం విజయ్‌ సేతుపతితో పాటు శృతి హాసన్ కు కూడా మంచి క్రేజ్ ఉంది. ఈ ఏడాదిలో ఇప్పటికే ఈమె క్రాక్‌ మరియు వకీల్ సినిమాలతో ప్రేక్షకుల ముందుకు వచ్చి సక్సెస్ దక్కించుకుంది. కనుక విజయ్‌ సేతుపతితో కలిసి రాబోతున్న లాబం సినిమా తో కూడా మరో విజయాన్ని టాలీవుడ్ లో శృతి హాసన్ దక్కించుకుంటుంది అంటూ విశ్లేషకులు అభిప్రాయం వ్యక్తం చేస్తున్నారు.