గ్యాంగ్ స్ట‌ర్ స్టోరీతో మ‌ళ్లీ మ్యాజిక్ చేస్తార‌ట‌!

బ్లాక్ బ‌స్ట‌ర్ హిట్ కాంబినేష‌న్ అంటే ప్రేక్ష‌కుల్లో ప్ర‌త్యేక ఆస‌క్తి చూపిస్తుంటారు. వీళ్లు మ‌ళ్లీ క‌లిసి సినిమా చేస్తే చూడాల‌ని, ఆ మ్యాజిక్ ని మ‌ళ్లీ రిపీట్ చేయాల‌ని అభిమానులు, ప్రేక్ష‌కులు కోరుకుంటుంటారు. తాజాగా అలాంటి కాంబినేష‌నే మ‌రోసారి క‌లిసి ప‌ని చేయ‌బోతోంది.

వివ‌రాల్లోకి వెళితే.. క‌మ‌ల్ హాస‌న్ న‌టించిన `విక్ర‌మ్‌` మూవీలో రోలెక్స్ గా న‌టించి చివ‌రి ఐదు నిమిషాలు హీరో సూర్య అద‌ర‌గొట్టిన విష‌యం తెలిసిందే. గ్యాంగ్ స్ట‌ర్ గా అత్యంత భ‌యాన‌కంగా వ్యవ‌హ‌రించే పాత్ర‌లో సూర్య న‌టించిన తీరు ప్ర‌తీ ఒక్క‌రినీ షాక్ కు గురిచేసింది.

త్వ‌ర‌లో ఇదే త‌ర‌హా గ్యాంగ్ స్ట‌ర్ పాత్ర‌లో క‌నిపించ‌బోతున్నాడ‌ట‌. ప్ర‌స్తుతం బాల డైరెక్ష‌న్ లో `వ‌నంగాన్‌` లో న‌టిస్తున్నాడు. సూర్య సొంత నిర్మాణ సంస్థ 2డీ ఎంట‌ర్ టైన్ మెంట్స్ పై రూపొందుతోంది. తెలుగులో ఇదే మూవీని `అచ‌లుడు` పేరుతో రిలీజ్ చేయ‌బోతున్నారు. ఈ మూవీ త‌రువాత సూర్య లేడీ డైరెక్ట‌ర్ సుధా కొంగ‌ర‌తో ఓ భారీ మూవీ చేయ‌బోతున్నార‌ట‌.

వీరిద్ద‌రి క‌ల‌యిక‌లో రూపొందిన `సూరారైపోట్రు` సంచ‌ల‌న విజ‌యాన్ని సాధించ‌డ‌మే కాకుండా హీరో సూర్య‌కు జాతీయ స్థాయిలో అవార్డుని తెచ్చి పెట్టింది. మొత్తం ఐదు విభాగాల్లో అవార్డుల్ని ద‌క్కించుకుని అశ్చ‌ర్య‌ప‌రిచింది.

ఏయిర్ డెక్క‌న్ ఫైండ‌ర్ జి.ఆర్ గోపీనాథ్ జీవిత క‌థ ఆధారంగా ఈ మూవీని తెర‌కెక్కించారు. ఈ నేప‌థ్యంలో మ‌రోసారి ఇలాంటి బ్లాక్ బ‌స్ట‌ర్ కాంబినేష‌న్ క‌లిసి వ‌ర్క్ చేయ‌బోతున్నార‌ట‌. ప‌క్కా మాస్‌ క‌మ‌ర్షియ‌ల్ ఎంటర్ టైన‌ర్ గా ఈ మూవీ వుంటుంద‌ని తెలుస్తోంది.

అంతే కాకుండా గ్యాంగ్ స్ట‌ర్ స్టోరీగా ఈ మూవీని తెర‌పైకి తీసుకురానున్నార‌ట‌. ప్ర‌స్తుతం సుధా కొంగ‌ర `సురారైపోట్రు`ని హిందీలో రీమేక్ చేస్తున్నారు. సూర్య ప్రొడ్యూస్ చేస్తున్నఈ మూవీలో బాలీవుడ్ ఖిలాడీ అక్ష‌య్ కుమార్ హీరోగా న‌టిస్తున్నారు. ఈ మూవీ పూర్తి కాగానే సూర్య తో సినిమా చేయ‌బోతున్నార‌ట‌. ఈ మూవీని హోంబ‌లే ఫిలింస్ నిర్మించే అవ‌కాశం వుంద‌ని తెలుస్తోంది.