'కేజీఎఫ్ 2' మోస్ట్ అవైటెడ్ మూవీ అనడానికి ఇదే ఉదాహరణ..!

దేశవ్యాప్తంగా సినీ అభిమానులు ఆసక్తిగా ఎదురుచూస్తున్న సినిమాలలో ఒకటి ''కేజీఎఫ్‌ ఛాప్టర్‌-2". కన్నడ రాకింగ్ స్టార్ యశ్‌ - శ్రీనిధి శెట్టి జంటగా డైరెక్టర్ ప్రశాంత్ నీల్ తెరకెక్కించిన బ్లాక్‌ బస్టర్‌ హిట్‌ 'కేజీఎఫ్‌-‌1' కు ఇది సీక్వెల్. ప్రస్తుతం పోస్ట్ ప్రొడక్షన్ కార్యక్రమాలు జరుపుకుంటున్న ఈ చిత్రాన్ని జులై 16న వరల్డ్ వైడ్ గా విడుదల చేయడానికి సన్నాహాలు చేస్తున్నారు. ఇప్పటికే రిలీజ్ చేసిన ట్రైలర్ తో ఈ సినిమాపై అంచనాలు రెట్టింపు అయ్యాయి. ఈ నేపథ్యంలో 'కేజీఎఫ్‌ -2' కోసం ఆడియన్స్ ఎంతలా ఎదురు చూస్తున్నారనే దానిపై ఆసక్తికరమైన విషయం బయటకు వచ్చింది.

'కేజీఎఫ్‌ ఛాప్టర్‌-2' సినిమా విడుదలకు ఇంకా దాదాపు మూడు నెలల సమయం ఉండగా.. అప్పుడే 'బుక్ మై షో' లో 300K మందికి పైగా ఈ మూవీపై ఇంట్రెస్ట్ చూపిస్తున్నారు. ఇది ఇండియాలోనే ఏ సినిమాకు రాని రెస్పాన్స్ అని తెలుస్తోంది. ఈ సినిమా కోసం ప్రేక్షకులు ఎంతగా వెయిట్ చేస్తున్నారనే దానికి ఉదాహరణగా దీన్ని చెప్పవచ్చు. ఇకబుక్ మై షో లో ప్రభాస్ 'రాధే శ్యామ్' సినిమా కోసం 23K మంది.. అల్లు అర్జున్ 'పుష్ప' కోసం 24K.. రాజమౌళి 'ఆర్.ఆర్.ఆర్' కోసం 65K మందికి పైగా ఇంట్రెస్ట్ చూపిస్తున్నట్లు తెలుస్తోంది.

కాగా, 'కేజీఎఫ్ 2' చిత్రంలో బాలీవుడ్‌ నటుడు సంజయ్‌ దత్‌ విలన్ 'అధీరా' పాత్రలో కనిపించనున్నాడు. రవీనా టాండన్ - ప్రకాష్ రాజ్ - రావు రమేష్ - ఈశ్వరీ రావు ఇతర ప్రధాన పాత్రల్లో నటించారు. హోంబలే ఫిలింస్ బ్యానర్ పై విజయ్‌ కిరగందూర్‌ ఈ పాన్ ఇండియా చిత్రాన్ని భారీ బడ్జెట్ తో నిర్మిస్తున్నారు.