చరణ్ మౌనానికి కారణం ఇదే

ఆర్ ఆర్ ఆర్ షూటింగ్ బ్రేక్ లో చీలమండ గాయంతో గ్యాప్ తీసుకున్న రామ్ చరణ్ దాదాపు కోలుకున్నట్టే. కానీ ఆర్ ఆర్ ఆర్ తిరిగి మొదలుపెట్టారా లేదా అనే విషయంలో ఇంకా క్లారిటీ రావడం లేదు. అప్పుడు ఆపేసిన పూణే షెడ్యూల్ ఎప్పుడు ఉంటుందనే దాని గురించి రాజమౌళి ఇంకా ఏమి చెప్పడం లేదు. ఒకపక్క మహర్షి విజయోత్సాహంలో మహేష్ ఉండగా అతనికి మద్దతుగా రామ్ చరణ్ ట్వీట్ చేయడం కానీ మెసేజ్ పెట్టడం లాంటివి చేయకపోవడంతో ప్రిన్స్ ఫ్యాన్స్ లో కొంత చర్చకు దారి తీసింది.

దానికి కారణం లేకపోలేదు. చరణ్ ప్రస్తుతం మాల ధారణలో ఉన్నాడు. అందుకే సోషల్ మీడియాలో యాక్టివ్ గా లేకపోవడం సైరా గురించి కానీ తన ఆరోగ్యం గురించి కానీ ఎలాంటి అప్ డేట్స్ ఇవ్వడం కానీ చేయడం లేదు. మొన్న కన్నడ రాజ్ కుమార్ ఫ్యామిలీ వెడ్డింగ్ కార్డ్స్ ఇవ్వడానికి వచ్చినప్పుడే చరణ్ మాలలో ఉన్న విషయం బయటపడింది. ప్రతి ఏడాది చరణ్ మాల వేసుకోవడం సాధారణ విషయమే. అయినా కూడా షూటింగ్స్ లో పాల్గొన్న సందర్భాలు ఉన్నాయి.

కానీ ప్రస్తుతానికి ఆర్ ఆర్ ఆర్ రీ స్టార్ట్ కాలేదు. గ్యాప్ ముందు చెప్పిన ప్రకారం మూడు వారాలు పోయిన నెలే దాటిపోయింది. ఇప్పుడు దీని ఎఫెక్ట్ రిలీజ్ డేట్ మీద ఉంటుందా లేక రాజమౌళి పక్కా ప్లానింగ్ తో అలాంటి ఇబ్బంది లేకుండా చూసుకున్నాడా అనేది ఇంకా తెలియాల్సి ఉంది. మహర్షి గురించి చరణ్ స్పందించకపోవడానికి కారణం ఇది కూడా అని చెప్పొచ్చు. సైరా అగ్ని ప్రమాదం గురించిన మెసేజ్ తప్ప చరణ్ ఆపై సైలెంట్ అయ్యాడు.