అక్కినేని కోడ‌లు కెరీర్ బెస్ట్ ఫేజ్ ఇదే..!

ఒక క‌థానాయిక ప‌రిపూర్ణ ఆనందాన్ని అనుభ‌వించేది ఎప్పుడు? అంటే .. త‌న కెరీర్ లో గొప్ప ఆత్మ‌విశ్వాసంతో న‌మ్మ‌కంతో ముందుకు సాగేప్పుడు.. అభ‌ద్ర‌తా భావం నుంచి బ‌య‌ట‌ప‌డి స్థిర‌త్వాన్ని క‌లిగి ఉన్న‌ప్పుడు.. క‌ష్ట‌న‌ష్టాలు అప‌జ‌యాలు ఉన్నా అన్నిటినీ అధిగ‌మించి తాను అనుకున్న స్థాయిని అందుకున్న‌ప్పుడు.. ప్ర‌స్తుతం స‌మంత అలాంటి ఒక గొప్ప‌ ఫేజ్ ని ఆస్వాధిస్తోంది. మోడ‌లింగ్ కెరీర్ అనంత‌రం న‌టి అయిన‌ప్ప‌టి అభ‌ద్ర‌తా భావం ఆత్మ‌న్యూన‌త ఇప్పుడు గుర్తుకు రావ‌డం స‌హ‌జం.

త‌న కెరీర్ 11 సంవ‌త్స‌రాల మైలు రాయిని తాకాక‌.. త‌న‌ని ముందుకు నడిపించిన ఆ మూడు గొప్ప‌ విష‌యాల్ని త‌ర‌చి చూసుకుంటున్నాన‌ని తెలిపింది సామ్. నాగ‌చైత‌న్య‌ను పెళ్లాడాక అక్కినేని కోడ‌లు హోదాలో ఇప్పుడు వ్య‌క్తిగ‌తంగానూ ఎంతో భ‌ద్ర‌త‌ను క‌లిగి ఉంది.

సమంత అక్కినేని తన తొలి OTT వెబ్ సిరీస్- `ది ఫ్యామిలీ మ్యాన్ 2` విజయంతో మ‌రింత ఆనందంగా ఉన్నారు. త‌మిళ టైగ‌ర్ రాజీ పాత్ర‌లో అద్భుత న‌ట‌న‌కు గొప్ప ప్ర‌శంస‌లు ద‌క్కాయి. త‌దుప‌రి నెట్ ఫ్లిక్స్ తో భారీ ఒప్పందానికి సామ్ సిద్ధ‌మ‌య్యార‌ని క‌థ‌నాలొచ్చాయి. అలాగే గుణ‌శేఖ‌ర్ ద‌ర్శ‌క‌త్వంలో శాకుంత‌లం లో న‌టిస్తున్నారు. అలాగే విఘ్నేష్ శివన్ రొమాంటిక్ డ్రామా `కాతు వాకులా రేండు కాదల్` చిత్రీక‌ర‌ణ ద‌శ‌లో ఉంది. ఇందులో నయనతార-విజయ్ సెహూపతి కూడా నటించారు.