`విరాటపర్వం` రిలీజ్ పై క్లారిటీ ఇదే

ద‌గ్గుబాటి రానా - సాయి పల్లవి జంట న‌టించిన `విరాట పర్వం` అంతా స‌వ్యంగా ఉంటే ఈపాటికే రిలీజ్ కావాల్సింది. క‌రోనా మ‌హ‌మ్మారీ ప‌రిస్థితుల వ‌ల్ల ఆల‌స్య‌మైంది. అయితే ఈ సినిమా ఓటీటీలో విడుద‌ల‌వుతుంద‌ని ఇంత‌కుముందు ప్ర‌చారం సాగింది. దానిపై తాజాగా ద‌ర్శ‌కుడు స్పందించారు.

తాము ఓటీటీ మార్గంలో వెళ్లడం లేదని చిత్ర దర్శకుడు వేణు ఉడుగుల తెలిపారు. ఫారెస్ట్ పీరియాడిక్ యాక్షన్ డ్రామా నేరుగా థియేట‌ర్ల‌లోకి వ‌స్తుంది. రిలీజ్ డేట్ ను త్వరలో ప్రకటించనున్నారు అని తెలిపారు. మరో వారం రోజుల్లో డేట్ తో సంబంధిత పోస్టర్ విడుదల కానుంది.

విరాట పర్వం ఇప్పుడు ప్రొడక్షన్ చివరి దశలో ఉంది. విడుదల తేదీ ప్రకటన పోస్టర్ బయటకు వచ్చిన తర్వాత మరింత‌గా ప్ర‌చారంపై క్లారిటీ రానుంది. ఈ సినిమాను నేరుగా థియేటర్లలో విడుదల చేసి నెట్ ఫ్లిక్స్ లో ప్రీమియర్ లకు వెళ్లాలనే ఆలోచన ఉందని తెలుస్తోంది.

డిజిట‌ల్ పై క‌న్నేసిన రానా

ఇటీవ‌ల‌ థియేట‌ర్ల‌లో సినిమాలు రిలీజ్ కాని ప‌క్షంలో ఓటీటీ అయినా ఫ‌ర్వాలేద‌నే ధోర‌ణి యువ‌త‌రంలో మొద‌లైంది. దాంతో పాటే ఓటీటీకి విశేష ఆద‌ర‌ణ ద‌క్కుతోంది. ఈ ఛేంజ్ తో పాటే టాలీవుడ్ స్టార్ల మైండ్ సెట్ కూడా మారుతోంది. ఇప్ప‌టికిప్పుడు అగ్ర తార‌లు కూడా ఓటీటీ సిరీస్ ల‌లో న‌టించేందుకు ఆస‌క్తిగా ఉన్నారు. స‌మంత‌- అక్కినేని ఫ్యామిలీ నుంచి నాగార్జున‌- నాగ‌చైత‌న్య‌ వంటి స్టార్లు ఓటీటీ సిరీస్ ల‌లో న‌టిస్తున్నారు.

ద‌గ్గుబాటి కాంపౌండ్ లో రానా దగ్గుబాటి నెట్ ఫ్లిక్స్ తో చర్చలు ప్రారంభించారని క‌థ‌నాలొచ్చాయి. అతడు ఇప్ప‌టికే బాహుబ‌లి ఫ్రాంఛైజీ న‌టుడిగా పాన్-ఇండియా స్టార్ డ‌మ్ ని క‌లిగి ఉన్నారు. అందువల్ల రానా ఓటీటీ కంటెంట్ లో న‌టించాల‌ని అలాగే వెబ్ సిరీస్ ల‌ను నిర్మించాల‌ని స‌రికొత్త ప్ర‌ణాళిక‌తో ముందుకొచ్చారు. తన ప్రొడక్షన్ హౌస్ డిజిటల్ స్పేస్ లో ప్ర‌వేశించాల‌ని బ‌లంగా కోరుకుంటున్నారు.

సురేష్ ప్రొడక్షన్స్ డిజిటల్ కంటెంట్ ను ఉత్పత్తి ని ఇప్ప‌టికే ప్రారంభించింది. నెట్ ఫ్లిక్స్ తో ఒక ఒప్పందాన్ని కుదుర్చుకునేందుకు చ‌ర్చ‌లు సాగిస్తున్నారు. రానా దగ్గుబాటికి బాలీవుడ్ ప్రొడక్షన్ హౌస్ లు.. అంతర్జాతీయ స్ట్రీమింగ్ దిగ్గజాలలో పరిచయాలను రానా ఎన్ క్యాష్ చేసుకునే ప్లాన్ లో ఉన్నారు.

నెట్ ఫ్లిక్స్ సహా అమెజాన్ ప్రైమ్ ఇత‌ర సంస్థ‌ల‌తోనూ సురేష్ కాంపౌండ్ కి చ‌క్క‌ని రిలేష‌న్ షిప్స్ ఉన్నాయి. అలాగే ఓటీటీ- డిజిట‌ల్ కంటెంట్ ని సురేష్ బాబు - రానా తొలి నుంచి ఎంక‌రేజ్ చేస్తూనే ఉన్నారు. టెక్నాల‌జీని కొత్త‌ద‌నాన్ని ఆహ్వానించ‌డంలో ఈ ఎంట‌ర్ ప్రెన్యూర్స్ ఎప్పుడూ ముందుంటారు. అలాగే ఓటీటీల భ‌విష్య‌త్ పైనా సురేష్ బాబు ఎంతో ముందు చూపుతో ఉన్నారు. అందుకే ఇప్పుడు రానా బిగ్ డీల్ స‌ర్వ‌త్రా ఉత్కంఠ పెంచుతోంది. రానా -గుణ‌శేఖ‌ర్ ల హిర‌ణ్య క‌సిప గురించిన అప్ డేట్ రావాల్సి ఉంది.