బాలీవుడ్ పని గోవింద గోవింద

ఈమద్య కాలంలో బాలీవుడ్‌ టైమ్ ఏమాత్రం బాగా లేదు. సౌత్ ఇండియన్ సినిమా లు నార్త్‌ ఇండియాలో భారీ వసూళ్లు నమోదు చేస్తున్నాయి. కేజీఎఫ్‌ 2.. ఆర్‌ ఆర్‌ ఆర్‌.. పుష్ప తో పాటు ఇంకా కొన్ని సౌత్‌ సినిమాలు బాలీవుడ్‌ లో హడావుడి చేస్తున్న విషయం తెల్సిందే. ఈ ఏడాది లో ఇప్పటి వరకు సౌత్‌ సినిమాలే బాలీవుడ్‌ బాక్సాఫీస్ వద్ద సందడి చేశాయి కాని హిందీ సినిమాల హడావుడి కనిపించడం లేదు.

హిందీలో పెద్ద సినిమాలు గా చెప్పుకుంటున్న చాలా సినిమాలు విడుదల అయ్యాయి కాని ఏ ఒక్కటి కూడా ఆకట్టుకోలేక పోయాయి. అయినా కూడా బాలీవుడ్‌ ఫిల్మ్‌ మేకర్స్ మాదే పై చేయి అన్నట్లుగా వ్యాఖ్యలు చేస్తున్నారు. సోషల్‌ మీడియాలో ఇప్పటికే బాలీవుడ్‌ మరియు సౌత్‌ సినిమా లను కంపైర్‌ చేస్తూ మీమ్స్ వస్తున్నాయి.

బాలీవుడ్‌ స్టార్స్ ను పాన్‌ మసాలా స్టార్‌ అంటూ విమర్శలు గుప్పిస్తూ సౌత్‌ స్టార్‌ హీరోలను మాత్రం పాన్ ఇండియా స్టార్స్ అంటున్నారు. ఇప్పటికే సౌత్‌ సినిమా స్టార్స్ యొక్క వాయింపుతో బాలీవుడ్‌ ప్రముఖులకు షాక్ ల మీద షాక్ తలుగుతుంది. ఈ సమయంలో హాలీవుడ్‌ మూవీస్ బాలీవుడ్‌ ను మరింతగా చిరాకు.. ఇబ్బంది పెట్టేందుకు సిద్దం అవుతున్నాయి.

హాలీవుడ్‌ నుండి ఈ ఏడాదిలో అతి పెద్ద సినిమాలు రాబోతున్నాయి. హాలీవుడ్‌ లో సూపర్‌ మ్యాన్ సిరీస్ లో మరియు ఇతర సినిమాలు భారీ ఎత్తున రాబోతున్నాయి. ముఖ్యంగా బాలీవుడ్‌ బాక్సాఫీస్ ను షేక్ చేసేందుకు గాను అవతార్ 2 ఈ ఏడాదిలోనే రాబోతుంది. హాలీవుడ్‌ సినిమాలకు తోడు సౌత్‌ సినిమాలు కూడా బాలీవుడ్‌ బాక్సాఫీస్ వద్దకు ఈ ఏడాది మరి కొన్ని రానున్నాయి. దాంతో బాలీవుడ్‌ పని గోవింద అంటూ కామెంట్స్ వస్తున్నాయి.

ఇన్ని హాలీవుడ్‌ మరియు సౌత్‌ సినిమాలు ఉత్తర భారతంలో విడుదల కాబోతున్న నేపథ్యంలో ఎన్ని హిందీ సినిమాలు కుదేలవ్వాలో అర్థం కావడం లేదంటూ హిందీ సినీ విశ్లేషకులు అభిప్రాయం వ్యక్తం చేస్తున్నారు.

ఇప్పటికే హిందీ సినీ ప్రియులు బాలీవుడ్‌ ఫిల్మ్‌ మేకర్స్ స్టైల్‌ మార్చాలంటూ విజ్ఞప్తి చేస్తున్నారు. ఈ ఏడాది సినిమాలన్నీ అస్సాం కు క్యూ కడితే అప్పుడు బాలీవుడ్‌ ఫిల్మ్ మేకర్స్ తమ మేకింగ్‌ స్టైల్‌ ను మార్చుకుంటారేమో చూడాలి.