రౌడీ విజ‌య్‌ పాన్ ఇండియా మూవీ లుక్ డేట్ ఇదే

గ‌త కొంత‌కాలంగా మ‌హ‌మ్మారీ క్రైసిస్ వ‌ల్ల రౌడీ దేవ‌ర‌కొండ న‌టిస్తున్న తాజా సినిమా చిత్రీక‌ర‌ణ వాయిదా ప‌డిన సంగ‌తి తెలిసిన‌దే. విజ‌య్- పూరి టీమ్ దీనిపై ఎలాంటి స‌మాచారం ఇవ్వ‌క‌పోవ‌డంతో అభిమానులు క‌న్ఫ్యూజ్ అయ్యారు.

తాజాగా పూరి క‌నెక్ట్స్ నుంచి ట్విస్టిస్తూ ఊహించ‌ని ప్ర‌క‌ట‌న వెలువ‌డింది. భాష‌తో సంబంధం లేకుండా హ‌ద్దులు చెరిపేస్తూ సినిమాని ఒక‌టిగా తెస్తున్నాం..!! అంటూ విజ‌య్ దేవ‌ర‌కొండ పాన్ ఇండియా మూవీ టైటిల్ ... ఫ‌స్ట్ లుక్ ని ఆవిష్క‌రిస్తున్నామ‌ని ప్ర‌క‌టించింది. రేపు (సోమ‌వారం) ఉద‌యం 10గం.8 నిమిషాల‌కు టైటిల్ ఏమిట‌న్న‌ది రివీల్ కానుంది. ఈ చిత్రాన్ని క‌ర‌ణ్ జోహార్ ధ‌ర్మ మూవీస్ తో క‌లిసి పూరి క‌నెక్ట్స్ (పూరి-ఛార్మి) నిర్మిస్తోంది. అన‌న్య పాండే క‌థానాయిక‌గా న‌టిస్తోంది. బాక్సింగ్ .. మిక్స్ డ్ మార్ష‌ల్ ఆర్ట్స్ నేప‌థ్యంలోని ఈ మూవీ కోసం విజ‌య్ భారీగా కండ‌లు పెంచి 6 ప్యాక్ ట్రై చేస్తున్న సంగ‌తి తెలిసిన‌దే.

``గ‌త కొంత‌కాలంగా హ‌ద్దులు చెరిపేస్తూ ఇన్నోవేటివ్ స్టోరీస్ తో అన్ని భాష‌ల‌కు స‌రిప‌డే సినిమాలు వ‌స్తున్నాయి. ఇప్పుడు ఇందులో మ‌రో కొత్త చాప్ట‌ర్ ని ప‌రిచ‌యం చేస్తామ``ంటూ పూరి క‌నెక్ట్స్ కాస్త గ‌ట్టిగానే ప్ర‌క‌టించింది. పూరి- విజ‌య్ బృందం కాన్ఫిడెన్స్ చూస్తుంటే టాలీవుడ్ టు బాలీవుడ్ మ‌రో సెన్సేషన్ గ్యారెంటీ అని ఫిక్స‌వ్వాల్సిందే. క‌మ‌ర్షియ‌ల్ సినిమాకి స‌రికొత్త డెఫినిష‌న్ ఇచ్చిన గురువుగా పూరి ఈసారి ఎలాంటి మ్యాజిక్ చేస్తారు? అన్న‌ది వేచి చూడాల్సిందే.