బాలీవుడ్ ఫిల్మ్ కోసం ముంబై వెళ్లనున్న స్టార్ హీరోయిన్

రకుల్ ప్రీత్ సింగ్.. తెలుగు ప్రేక్షకులకు పెద్దగా పరిచయం అక్కర్లేని పేరు. వరుస సినిమాలతో దూసుకెళ్లిన ఈ భామ మన్మధుడు-2 సినిమా ప్లాప్ తో కాస్త నెమ్మదించింది. అయితే లాక్ డౌన్ విధించడంతో ముంబైలో మూడు నెలల పాటు ఒకేచోట ఉండిపోయింది రకుల్. ప్రస్తుతం దేశవ్యాప్తంగా కరోనా మహమ్మారి కారణంగా సామాన్యుల నుండి సెలబ్రిటీల వరకు అందరూ వాళ్ల ఫ్యామిలీతో కలిసి హ్యాపీగా.. ఇంటి నుండి కాలు బయట పెట్టకుండా సమయాన్ని గడుపుతున్నారు. అయితే ఈ మద్యే సినీ ఇండస్ట్రీలకు నిబంధనలతో కూడిన సడలింపులు అమలు పరచడంతో మెల్లగా షూటింగ్స్ ప్రారంభించేందుకు మేకర్స్ సిద్ధం అవుతున్నారు. ఇక లాక్ డౌన్ తర్వాత షూటింగులో పాల్గొనబోతున్న కొద్ది మంది హీరోయిన్లలో రకుల్ ఒకరు. త్వరలోనే తన బాలీవుడ్ మూవీ షూటింగులో జాయిన్ అవ్వనుందట.

టైటిల్ ఇంకా ఖరారు కానీ రొమాంటిక్ కామెడీ మూవీలో అర్జున్ కపూర్ సరసన రకుల్ ప్రీత్ నటించనుంది. నిజానికి మేకర్స్ ఈ సినిమా షూటింగ్ యూరప్ లో ప్లాన్ చేశారట. కానీ కరోనా మహమ్మారి వణికిస్తుండటంతో అక్కడ షెడ్యూల్ కాన్సల్ చేశారట. ప్రస్తుతం మిగిలిన షూటింగ్ ముంబైలోనే ఫినిష్ చేయాలని ఆలోచిస్తున్నారట. అయితే షూటింగ్ డేట్ ఇంకా ఫిక్స్ కాలేదట. ఇక ఈ సినిమా షూటింగ్ ప్రారంభమైతే గనక రకుల్ గుర్గావ్ నుండి మళ్లీ ముంబైకి రావాల్సి ఉంటుంది. తప్పదు కదా మరి! ఈ సినిమాకు కాశ్వీ నాయర్ దర్శకత్వం వహిస్తున్నారు. అమ్మడు ప్రస్తుతం బిజీగా షెడ్యూల్స్ ప్లాన్ చేస్తుందట. ఓ వైపు తమిళంలో రెండు సినిమాలు ఇండియన్-2, అయలన్ లైన్లో ఉండగానే ఇటు బాలీవుడ్ పై ఫోకస్ పెడుతోంది. తెలుగులో కూడా మంచి క్యారెక్టర్ కోసం ఎదురు చూస్తుందట. చూడాలి మరి మళ్లీ ఏదైనా తెలుగు సినిమాలో కనిపించనుందేమో..!