బిగ్ బాస్ 5లో కొత్తగా వచ్చిన పేర్లు

సీజన్.. సీజన్ కు తనను తాను మార్చుకుంటూ ప్రేక్షకుల మనసుల్ని గెలుచుకుంటూ దూసుకెళుతున్న బిగ్ బాస్ తెలుగులో సీజన్ 5కు సిద్ధమవుతున్న సంగతి తెలిసిందే. కరోనా కారణంగా ఆలస్యంగా మొదలు కానున్న ఈ సీజన్ లో ఎవరెవరు పాల్గొంటున్నారన్న దానిపై ఇప్పటికే బోలెడన్ని వార్తలు వచ్చాయి. అయితే.. వీటిల్లో కొన్నినిజమైతే.. మరికొన్ని ఫేక్ అన్న మాట వినిపిస్తోంది.

తాజా సీజన్ కోసం ఇప్పటికే టీజర్ వదిలేసి.. అంచనాల్ని మరింత పెంచేశారు. త్వరలో ప్రేక్షకుల ముందుకు రానున్న బిస్ బాస్ 5 సీజన్ లో పాల్గొనే వారికి సంబంధించి సరికొత్త పేర్లు వినిపిస్తున్నాయి. ఇప్పటివరకు ఆలోచనకు కూడా రాని కొందరి పేర్లు తెర మీదకు రావటం ఆసక్తికరంగా మారింది. తాజాగా వినిపిస్తున్న పేర్లలో ముఖ్యమైనది.. అసలే మాత్రం అంచనాలకు అందనిది ప్రియారామన్ పేరు. తమిళ సూపర్ స్టార్ రజనీకాంత్ తో మొదటి సినిమాను చేసి తన కెరీర్ ను షురూ చేసిన ఈ భామకు తర్వాతి కాలంలో పెద్దగా అవకాశాలు రాలేదన్నది తెలిసిందే.

ఈ మధ్యన ఎక్కడ ఉన్నారో కానీ.. తాజా సీజన్ లో ఆమె హైలెట్ గా నిలుస్తారంటున్నారు. సినిమా అవకాశాలు తగ్గిన తర్వాత సీరియల్స్ చేస్తున్న ఈ మాజీ హీరోయిన్ బిగ్ బాస్ 5లో ఎంట్రీ ఇవ్వనున్నట్లు చెబుతున్నారు. ప్రియా రామన్ తో పాటు గతంలో పలు సినిమాలు చేసి ప్రస్తుతం అవకాశాల్లేకుండా ఉన్న ఈషా చావ్లాను కూడా బిగ్ బాస్ టీం సంప్రదించిందని.. ఆమె కూడా ఓకే చెప్పినట్లుగా చెబుతున్నారు. వెండితెర మీద క్యారెక్టర్ ఆర్టిస్టుగా గుర్తింపు పొంది.. సోషల్ మీడియాలో హడావుడి చేసే బొద్దు భామ ‘ప్రియ’ కూడా ఉన్నట్లు చెబుతున్నారు. ప్రియా రామన్.. ప్రియ ఇద్దరు మిడిలేజ్ ఉమెన్స్ గా చెప్పాలి. అదే సమయంలో ఒకప్పుడు హీరోయిన్లుగా వెలిగిపోయిన ఇద్దరు.. తాజా బిగ్ బాస్ లో పాల్గొనటం ఖాయమైతే.. సీజన్ 5కు గ్లామర్ కు ఏ మాత్రం ఢోకా ఉండదని చెప్పక తప్పదు.

వీరు కాక వినిపిస్తున్న  మిగిలిన పేర్ల విషయానికి వస్తే..

- యాంకర్ రవి
-  విజె సన్నీ (కళ్యాణ వైభోగమే సీరియల్ ఫేం)
-  షణ్ముఖ్ (డబ్ స్మాష్ వీడియోలు.. షార్ట్ ఫిలింస్)
- యాంకర్ లొబొ
- వర్షిణి
- సురేఖా వాణి
- హే సిరి (యూట్యూబర్)
- ఆర్జే కాజల్
- నవ్య స్వామి
- ట్రాన్స్ జెండర్ ప్రియాంక సింగ్
- యూట్యూబర్ నిఖిల్