దిశాప‌టానీతో బ్రేక‌ప్ ని క‌న్ఫామ్ చేసిన టైగ‌ర్

అందాల క‌థానాయిక దిశాప‌టానీతో టైగ‌ర్ బ్రేక‌ప్ గురించి చాలా కాలంగా ర‌క‌ర‌కాల క‌థ‌నాలు బాలీవుడ్ మీడియాలో వెలువ‌డ్డాయి. ఈ జంట విడిపోయినా కానీ క‌లిసే జంట షికార్లు చేయ‌డంతో క్లారిటీ మిస్స‌య్యింది. ప్ర‌తిసారీ మీడియా ప్ర‌శ్న‌లు ఎదుర‌వుతున్నా ఆ ఇద్ద‌రి నుంచి స‌రైన వివ‌ర‌ణ లేదు. తాజాగా టైగర్ ష్రాఫ్ హీరోపంథి సహనటి కృతి సనన్ తో కలిసి కరణ్ జోహార్ షో కాఫీ విత్ కరణ్ 7కి వచ్చారు. బాఘీ 2 సహనటి దిశా పటానీతో అతని సంబంధం గురించి ప్రశ్నించ‌గా దానిపై క్లారిటీనిచ్చే ప్ర‌య‌త్నం చేశాడు. టైగ‌ర్ కాస్త త‌డ‌బ‌డుతూనే కొన్ని ప్రయత్నాల తర్వాత తాను `సింగిల్` అని అన్నాడు. కరణ్ జోహార్ అత‌డిని మ‌ళ్లీ ప్ర‌శ్నిస్తూ... ``టైగర్.. మీ రిలేషన్ షిప్ స్టేటస్ ఏమిటి? మీరు దిశా పటానీతో డేటింగ్ చేస్తున్నారా.. లేదా?`` అని అడిగాడు.

మేం ఎప్పటిలాగే చాలా మంచి స్నేహితులను మాత్రమేన‌ని టైగ‌ర్ అన్నాడు. KJo ఇంకా డీప్ గా ప్ర‌శ్నిస్తూ.. మీరు ఇంకా మంచి స్నేహితులం అని అన‌కూడ‌దు. మీరంతా బాస్టియన్ (ముంబై తినుబండారం) లా అంద‌రి నోళ్ల‌లో నానుతున్నారు. ఎందుకంటే ప్రతి ఆదివారం మేము మిమ్మల్ని దిశాతో క‌లిసి రెస్టారెంట్ కి వెళుతుంటే చూస్తున్నాం... ఇది ఒక రొటీన్ జ‌వాబులాగా ఉంది! అంటూ ఆట‌ప‌ట్టించాడు. టైగర్ బదులిస్తూ- ``మాకు అదే ఆహారం తినడం ఇష్టం.. అందుకే వెళుతున్నాం`` అని అన్నాడు. కృతి సనన్ కాస్త ఫ‌న్ క్రియేట్ చేస్తూ.. ``అయితే అది మీరు కాదా? మిమ్మ‌ల్ని పోలి ఉంటారు. అది మీరు కాదా?`` అని ప్ర‌శ్నించారు.

కరణ్ జోహార్ రెట్టిస్తూ అత‌డిని ప్రస్తుత రిలేష‌న్ షిప్ స్థితి గురించి మరోసారి అడిగారు. ``అది నా ప్రశ్న కాదు. బ్రేకప్ పుకార్లు వచ్చినందున డేటింగ్ చేస్తున్నారా లేదా వివ‌రించాలి క‌దా? అని KJo అడిగాడు. దీనికి టైగర్ బదులిస్తూ ``అరే ఇది నిజమా? చాలా కాలంగా మాపై ఊహాగానాలు ఉన్నాయి. మేం ఎప్పటినుండో అద్భుతమైన స్నేహాన్ని మెయింటైన్ చేస్తున్నాం.`` అని అన్నారు. KJo ప‌దే ప‌దే ప్ర‌శ్నిస్తూ.. మీరు ఒంటరిగా ఉన్నారా? అని అడిగారు. దానికి స్పంద‌న‌గా టైగర్ చివరగా ``అవును.. నేను అలానే అనుకుంటున్నాను`` అని బదులిచ్చాడు.

కరణ్ జోహార్ ఇంకా కొంటెగా ప్ర‌శ్నిస్తూ.. ఇంకెవ‌రైనా మీకు ద‌గ్గ‌ర‌వుతున్నారా? అని ప్ర‌శ్నించారు. టైగర్ బదులిస్తూ... నేను ఒంటరిత‌నంపై హక్కును కలిగి ఉన్నందున నాతో నేను మాత్రమే ప్రస్తుతానికి దాగి ఉన్నానని అనుకుంటున్నాను.. అని ఛ‌మ‌త్క‌రించాడు. మొత్తానికి కేజేవో షోలో ఒక నిజాన్ని టైగ‌ర్ తో చెప్పించే ప్ర‌య‌త్నం చేశాడు. అయితే ఇప్ప‌టికీ టైగ‌ర్ చాలా విష‌యాల‌ను దాస్తున్నాడ‌నే అర్థ‌మ‌వుతోంది. అలాగే.. ``నేను ఎల్లప్పుడూ శ్రద్ధా కపూర్‌తో ప్రేమలో ఉన్నాను. ఆమె చాలా అందంగా ఉంటుంది`` అని స‌ర‌దాగా చెప్పుకొచ్చాడు. దీనికి సంబంధించిన వీడియో వైరల్ అవ్వడంతో టైగర్‌కి దిశాకి బ్రేకప్ అయ్యిందని నెటిజనులు భావించాల్సి ఉంటుంది. కానీ శ్ర‌ద్ధా వేరొక‌రితో రిలేష‌న్ లో ఉండ‌డం తెలిసిందే.

టైగ‌ర్ - దిశా ప‌టానీ ప్రేమాయ‌ణం గురించి ఇంత‌కుముందు జాకీ ష్రాఫ్ కి ప్ర‌శ్న‌లు ఎదుర‌య్యాయి. దానికి అత‌డు స్పందిస్తూ ఆ ఇద్ద‌రూ ఎలాంటి నిర్ణ‌యం తీసుకున్నా త‌న‌కు అంగీకార‌మేన‌ని అన్నారు. ఆ ఇద్ద‌రి స్నేహం స్వ‌చ్ఛంగా కొన‌సాగుతోంద‌ని అన్నారు. ఈ స్నేహం మ‌రో స్థాయికి చేరుకున్నా త‌న‌కు అభ్యంత‌రం లేద‌ని కూడా అన్నారు. అయితే ఆ ఇద్ద‌రి మ‌ధ్యా ఏం జ‌రుగుతోందో త‌న‌కు కూడా పూర్తిగా తెలియ‌ద‌ని అన్నారు. వారు మంచి నిర్ణ‌యం తీసుకోవాల‌ని తాను కోరుకుంటున్నాన‌ని కూడా జాకీ ష్రాఫ్ అన్నారు.

నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.