`లోఫ‌ర్` బేబి ఎక్క‌డా త‌గ్గ‌దుగా!

లోఫ‌ర్ బ్యూటీ దిశా ప‌టానీ సీకే బ్రాండ్ ప్ర‌మోష‌న్స్ గురించి తెలిసిందే. అంత‌ర్జాలాన్ని వేడెక్కించ‌డంలో ఈ టాప్ మోడ‌ల్ కం హీరోయిన్ త‌ర్వాతే ఎవ‌రైనా. బోయ్‌ఫ్రెండ్ టైగర్ ష్రాఫ్ తో ర‌క‌ర‌కాల సంద‌ర్భాల్లో అదిరిపోయే ఫోటోషూట్ల‌తో వేడెక్కించింది. ఈ జంట‌ విదేశాల్లో ఒంట‌రి దీవుల‌కు షికారుకు వెళ్ల‌డంపైనా ఆస‌క్తిగా మాట్లాడుకున్నారు.

ఇక సామాజిక మాధ్య‌మాల్లో దిశా హ‌ల్ చ‌ల్ గురించి చెప్పాల్సిన ప‌నేలేదు. రెగ్యుల‌ర్ గా లేటెస్ట్ ఫోటోషూట్ల‌తో అభిమానుల్ని యంగేజ్ చేస్తూనే ఉంటుంది. తాజాగా ముఖేష్ అంబానీ కుమారుడు ఆకాష్ అంబానీ - మెహ‌తా కుటుంబ రాకుమారి శ్లోకా మెహ‌తా జంట వివాహ వేడుక‌లోనూ దిశా సంద‌డి చేసింది. బోయ్‌ఫ్రెండ్ టైగ‌ర్ ష్రాఫ్ తో క‌లిసి దిశా పటానీ ఈ వేడుక‌కు విచ్చేసింది.

య‌థావిధిగా ఈ విందు కార్య‌క్ర‌మంలోనూ క‌ళ్ల‌న్నీ దిశా పైనే. దిశా పాక్షికంగా అందాల్ని ఎలివేట్ చేసే ఇండోవెస్ట్ర‌న్ శారీలో అక్క‌డ ప్ర‌త్య‌క్ష‌మైంది. అంబానీల వెడ్డింగ్ కే దిశా లుక్ హైలైట్ అయ్యింది. ఇక బోయ్‌ ఫ్రెండ్ టైగ‌ర్ ష్రాఫ్ సైతం అంతే స్మార్ట్ లుక్ తో ఆక‌ట్టుకున్నాడు. ఆకాష్ అంబానీ- శ్లోకా మెహ‌తాల వివాహ వేడుక ముంబై - బాంద్రాలోని కుర్లా కాంప్లెక్స్ ప‌రిస‌రాల్లో జియో వ‌ర‌ల్డ్ సెంట‌ర్ వేదిక‌గా ఘ‌నంగా జ‌రిగింది. ఈ ఈవెంట్ కి ముంబై పరిశ్ర‌మ యావ‌త్తూ క‌దిలొచ్చింది. కింగ్ ఖాన్ షారూక్ - గౌరీ ఖాన్ జంట‌, మిస్ట‌ర్ పెర్ఫెక్ట్ అమీర్ ఖాన్ - గౌరీఖాన్ జంట ప్ర‌త్యేక ఆక‌ర్ష‌ణ‌గా నిలిచారు. అలాగే బిగ్ బి కుటుంబం, ఐశ్వ‌ర్యారాయ్ - అభిషేక్ జంట ఈ వేడుక‌లో సంద‌డి చేశారు.