రెండో బాఘీ మొదలెట్టేసిన టైగర్

గతేడాది సెన్సేషనల్ హిట్ సాధించిన సినిమాల్లో బాలీవుడ్ మూవీ బాఘీ కూడా ఒకటి. టైగర్ ష్రాఫ్.. శ్రద్ధా కపూర్ జంటగా నటించిన ఈ మూవీ.. మొదట కొన్ని వివాదాలు ఎదుర్కున్నా.. చివరకు బంపర్ హిట్ కొట్టేసింది. టాలీవుడ్ హీరో సుధీర్ బాబు విలన్ గా నటించిన ఈ చిత్రం 35 కోట్లతో తెరకెక్కగా.. 125కోట్లకు పైగా వసూళ్లు సాధించి సంచలనం సృష్టించింది.

ఇప్పుడీ చిత్రానికి సీక్వెల్ కు రెడీ అయిపోయాడు జాకీ ష్రాఫ్ కొడుకు టైగర్ ష్రాఫ్. అప్పుడే ఫస్ట్ లుక్ పోస్టర్ కూడా ఇచ్చేశాడు. హాలీవుడ్ యాక్షన్ మూవీస్ కి ఏ మాత్రం తగ్గని స్థాయిలో ఈ పోస్టర్ ఉంది. ఓ లోయ నుంచి హెలికాప్టర్ పైకి వస్తున్న సమయంలో రెక్కలు మాత్రమే కనిపిస్తుండగా.. రఫ్ గా ఉన్న కొండ అంచున.. చేతిలో ఓ గన్ పట్టుకుని షర్ట్ లేని టైగర్ ష్రాఫ్.. కండలు చూపిస్తూ ఈ బాఘీ2 పోస్టర్ లో కనిపిస్తాడు. పోస్టర్ డిజైన్.. అక్కడి అట్మాస్ఫియర్ అంతా.. హాలీవుడ్ రేంజ్ లో ఉండడం పొగడాల్సిన విషయమే.

అయితే.. హాలీవుడ్ సినిమా లవర్స్ కు ఇలాంటి స్టిల్ ను అప్పుడెప్పుడో వచ్చిన 'ఇండిపెండెన్స్ డే' చిత్రంలో చూసే ఉంటారు. థీమ్ వరకు తీసుకున్నా.. టైగర్ ష్రాఫ్ ఎఫర్ట్ ను మాత్రం ప్రశంసించాల్సిందే. బాఘీ చిత్రానికి సబ్బీర్ ఖాన్ దర్శకుడు కాగా.. ఈ సారి అహ్మద్ ఖాన్ డైరెక్షన్ లో బాఘీ2 తెరకెక్కనుండడం విశేషం.

Like Us on Facebook : https://www.facebook.com/Tupakidotcom/