చెర్రీ కోసం నయా చోప్రా గాళ్‌

టిస్కా చోప్రా.. పేరులో చోప్రా ఉంది కాబ‌ట్టి ప్రియాంక చోప్రా - మీరా చోప్రాల క‌జిన్ అనుకునేరు. అదేం లేదు. ఈవిడ అమీర్‌ ఖాన్ తారే జ‌మీన్ ప‌ర్ చిత్రంలో న‌టించింది. ఇప్పుడు ఆర్జీవీ ద‌ర్శ‌క‌త్వంలో సీక్రెట్ అనే చిత్రంలో న‌టిస్తోంది. ఇదో హిందీ - తెలుగు ద్విభాషా చిత్రం. హాట్ లేడీ స‌న్నీలియోన్ న‌టిస్తున్న గాయ‌ల్ వ‌న్స్ ఎగైన్ అనే చిత్రంలోనూ ఓ కీల‌క‌మైన పాత్ర‌లో న‌టిస్తోంది. ఇప్పుడు ఏకంగా చెర్రీ సినిమాలో ఛాన్స్ కొట్టేసింది. క్యారెక్ట‌ర్ న‌టిగా చేస్తోంది. త‌న రోల్ గురించి టిస్కా చెబుతూ..

ఒక ధృఢ మైన వ్య‌క్తిత్వం ఉన్న‌ ఉమెన్‌ క్యారెక్ట‌ర్‌ లో న‌టిస్తున్నా. ధ‌న‌వంతురాలు - స్ట‌యిలిష్‌ గా ఉండే పాత్ర‌లో క‌నిపిస్తాను. టాలీవుడ్ బావుంది. ఇక్క‌డ ప‌నితీరు బావుంది. ఏదైనా స్పీడ్ స్పీడ్‌. న‌న్ను బ్రూస్ లీ టీమ్ చాలా ఓపిగ్గా భ‌రిస్తోంది. ఎందుకంటే నాకు అస‌లే భాష తెలీదు. అన్నీ నేర్పిస్తున్నారు.. అని చెప్పింది టిస్కా. అంతేనా చెర్రీ గురించి కూడా తెగ పొగిడేసింది. చ‌ర‌ణ్ చాలా స్ట‌యిలిష్‌. స్మార్ట్‌. అత‌డిని జంజీర్‌ లో చూశాను. అప్ క‌మింగ్ (హిందీలో) హీరోల్లో అత‌డు చాలా హాట్ .. అంటూ పొగిడేసింది. అయితే చ‌ర‌ణ్ న‌టించిన తెలుగు సినిమాలు చూడ‌లేదు. అందుక‌నే త‌న గురించి డీప్‌ గా తెలియ‌ద‌ని చెప్పింది.

ఇకపోతే.. హైద‌రాబాద్‌ లో బోలెడంత‌మంది చుట్టాలున్నారు. బంజారాహిల్స్‌ - జూబ్లీ హిల్స్ ప‌రిస‌రాల్లో ఆంటీ - అంకుల్ ఉన్నారు. హైద‌రాబాద్‌ తో రెగ్యుల‌ర్ గా ట‌చ్‌ లోనే ఉంటాన‌ని టిస్కా చెప్పింది. వామ్మో టిస్కా తెలిసో తెలియ‌కో చ‌ర‌ణ్‌ ని అప్‌ క‌మ్ హీరో అనేసింది. పాపం తెలుగు సినిమాలు చూడ‌దు క‌దా! అందుకే అలా అనేసి ఉంటుంది. అయినా చ‌ర‌ణ్ ఈగో హ‌ర్ట‌వ్వ‌దు లెండి. ఎందుకంటే టిస్కా గురించి అత‌డికి కూడా తెలిసింది తక్కువే అయ్యుంటుంది.