బ‌న్నీ సినిమా పేరు మార్చేస్తార‌ట‌

బాహుబ‌లి 2 త‌ర్వాత అగ్ర‌హీరోలు న‌టించిన ఏ సినిమా విడుద‌లైందీ లేదు. భారీ సినిమాల కోసం ఆస‌క్తిగా ఎదురుచూస్తున్న ప్రేక్ష‌కుల‌కు ద‌గ్గ‌ర‌గా వ‌చ్చి.. అంద‌రూ ఎంతో ఆస‌క్తిగా ఎదురుచూస్తున్న మూవీ దువ్వాడ జ‌గ‌న్నాథ‌మ్, సింఫుల్ గా డీజే. బ‌న్నీ న‌టించిన ఈ సినిమా మీద భారీ అంచ‌నాలే ఉన్నాయి. ఈ సినిమా విడుద‌లైన వెంట‌నే అల్లు అర్జున్ మ‌రో సినిమాకు సిద్ధ‌మైపోతున్నాడ‌ట‌. సినిమా సినిమాకు గ్యాప్ తీసుకుంటున్న వైనానికి తెర దించేసి.. సినిమా పూర్తి అయిన వెంట‌నే నెక్ట్స్ ప్రాజెక్టులోకి వెళ్లిపోనున్నాడ‌ట బ‌న్నీ.

స్టార్ రైట‌ర్ వ‌క్కంతం వంశీని ద‌ర్శ‌కుడిగా ప‌రిచ‌యం చేస్తూ తీయ‌నున్న ఈ సినిమాకు సంబంధించిన ప్రీ ప్రొడ‌క్ష‌న్ ప‌నులు ఇప్ప‌టికే పూర్తి చేసుకున్న సంగ‌తి తెలిసిందే. ఈ మూవీకి పేరు డిసైడ్ చేసేయ‌టం.. వాటికి రెస్పాన్స్ మిక్సెడ్ గా ఉండ‌టంతో పేరు మార్చ‌టంపై చ‌ర్చ‌లు జ‌రుగుతున్నాయి.

చిత్ర ప‌రిశ్ర‌మ వ‌ర్గాల స‌మాచారం ప్ర‌కారం బ‌న్నీ త‌ర్వాతి సినిమాకు మొద‌ట‌గా అనుకున్న నా పేరు సూర్య‌.. నా ఇల్లు ఇండియా పేర్ల స్థానంలో మ‌రో పేరు పెడితే మంచిద‌న్న ఆలోచ‌న‌లో ఉన్న‌ట్లు చెబుత‌న్నారు. కొత్త టైటిల్ ను దాదాపుగా ఖ‌రారు చేసేయ‌నున్నార‌ని.. సినిమా ప్రారంభించే రోజే పేరును చెప్పేస్తార‌ని చెబుతున్నారు. ఈ సినిమాను మెగా బ్ర‌ద‌ర్ నాగ‌బాబు.. ల‌గ‌డ‌పాటి శ్రీధ‌ర్ లు క‌లిసి నిర్మించ‌నున్నారు.

Like Us on Facebook : https://www.facebook.com/Tupakidotcom/