'ఎన్‌బీకే 107' కు టైటిల్ లాక్‌.. ప్ర‌క‌ట‌న ఎప్పుడంటే?

గ‌త కొంత కాలం నుంచీ స‌రైన స‌క్సెస్ లేక స‌త‌మ‌తం అవుతున్న న‌ట‌సింహం నంద‌మూరి బాల‌కృష్ణ.. మాస్ డైరెక్ట‌ర్ బోయ‌పాటి శ్రీ‌ను తెర‌కెక్కించిన `అఖండ‌`తో మ‌ళ్లీ ఫుల్ ఫామ్ లోకి వ‌చ్చేశారు. 2021 డిసెంబ‌ర్ 2న రిలీజ్ అయిన ఈ చిత్రం బ్లాక్ బ‌స్ట‌ర్ హిట్ గా నిలిచి అటు నిర్మాత‌ల‌కు, ఇటు బ‌య్య‌ర్ల‌కు భారీ లాభాల‌ను అందించింది. ఈ మూవీ అనంత‌రం గోపీచంద్ మ‌లినేనితో బాల‌య్య త‌న త‌దుప‌రి ప్రాజెక్ట్ ను స్టార్ట్ చేశారు. ఇందులో శ్రుతి హాస‌న్ హీరోయిన్ గా న‌టిస్తోంది.

ప్ర‌ముఖ నిర్మాణ సంస్థ మైత్రీ మూవీ మేక‌ర్స్ వారు ఎంతో ప్ర‌తిష్టాత్మ‌కంగా నిర్మిస్తున్న ఈ చిత్రంలో క‌న్న‌డ న‌టుడు దునియా విజ‌య్ ముసలి మడుగు ప్రతాప్ రెడ్డి అనే ప‌వ‌ర్ ఫుల్ విల‌న్ పాత్ర‌లో క‌నిపించ‌బోతున్నాడు. అలాగే మ్యూజిక్ సెన్సేష‌న‌ల్ త‌మ‌న్ ఈ మూవీకి స్వ‌రాలు స‌మ‌కూర్చుతున్నారు. `ఎన్‌బీకే 107` వ‌ర్కింగ్ టైటిల్ తో ఇటీవ‌లె సెట్స్ మీద‌కు వెళ్లిన ఈ చిత్రం ఇప్ప‌టికే ఒక షెడ్యూల్ ను పూర్తి చేసుకోగా.. మేక‌ర్స్ రెండో షెడ్యూల్ ను కూడా ప్రారంభించారు.

ఇదిలా ఉంటే ఈ చిత్రానికి టైటిల్ ఏంటా అన్న ఆసక్తి అందరిలోనూ నెలకొన‌గా.. జై బాలయ్య, పెద్దన్నయ్య వంటి టైటిల్స్ తెర‌పైకి వ‌చ్చాయి. అయితే, లేటెస్ట్ స‌మాచారం ప్ర‌కారం.. `ఎన్‌బీకే 107` కు మేక‌ర్స్ `అన్నగారు` అనే టైటిల్ ను లాక్ చేశార‌ట‌. దీనిపై ఎటువంటి అధికారిక‌ ప్ర‌క‌ట‌న లేదు. కానీ, జూన్ 10న బాల‌య్య పుట్టిన రోజు. ఆయన బ‌ర్త్ డే ట్రీట్ గా `ఎన్‌బీకే 107` టీజ‌ర్ మ‌రియు టైటిల్ ను అఫీషియ‌ల్ గా అనౌన్స్ చేయ‌నున్నార‌ని సోష‌ల్ మీడియాలో జోరుగా టాక్ న‌డుస్తోంది. ఇదే నిజ‌మైతే నంద‌మూరి ఫ్యాన్స్ పండ‌గ చేసుకోవ‌డం ఖాయం.

కాగా, మాస్ యాక్ష‌న్ ఎంట‌ర్టైన‌ర్ గా రూపుదిద్దుకుంటున్న ఈ చిత్రంలో బాల‌కృష్ణ ద్విపాత్రాభినయం చేయ‌నున్నాడ‌ని.. ఆయ‌న పోషించ‌బోయే రెండు పాత్ర‌లు వేటిక‌వే విభిన్నంగా ఉంటాయ‌ని అంటున్నారు. ఇప్ప‌టికే ఈ సినిమా నుంచి విడుద‌లైన బాల‌య్య ఫ‌స్ట్ లుక్ విశేషంగా ఆక‌ట్టుకుంది. అలాగే ఈ చిత్రంలో త‌మిళ న‌టి వరలక్ష్మీ శరత్ కుమార్ కూడా కీల‌క పాత్ర‌లో అల‌రించ‌బోతోంది.