Begin typing your search above and press return to search.
కరోనా 2.0 రాకపోతే 'కేజీయఫ్ 2.0' ఈరోజు వచ్చేది..!!
By: Tupaki Desk | 16 July 2021 7:35 AM GMT
ప్రస్తుతం సినీ అభిమానులు ఆసక్తిగా ఎదురుచూస్తున్న పాన్ ఇండియా సినిమాలలో ''కేజీఎఫ్: చాప్టర్ 2' ఒకటి. కన్నడ రాకింగ్ స్టార్ యష్ హీరోగా స్టార్ డైరెక్టర్ ప్రశాంత్ నీల్ తెరకెక్కిస్తున్న ఈ సినిమాపై భారీ అంచనాలు నెలకొన్నాయి. కన్నడ సినిమా సత్తా ఏంటో దేశవ్యాప్తంగా చాటిచెప్పిన 'కేజీఎఫ్ 1' సీక్వెల్ గా ఈ సినిమా రూపొందుతోంది. హోంబలే ఫిలింస్ బ్యానర్ పై విజయ్‌ కిరగందూర్‌ ఈ చిత్రాన్ని భారీ బడ్జెట్ తో నిర్మిస్తున్నారు. ఈ చిత్రాన్ని జులై 16న విడుదల చేయనున్నట్లు మేకర్స్ అప్పట్లో ప్రకటించారు. అంటే ఈరోజు 'కేజీఎఫ్ 2' సినిమా ప్రేక్షకుల ముందుకు రావాల్సింది. అయితే కరోనా 2.0 రాక‌తో విడుదల సాధ్యపడలేదు.
ఈ నేపథ్యంలో 'కేజీఎఫ్' ఫ్రాంఛైజీ ఫ్యాన్స్ మాత్రం ఈరోజు సినిమా విడుద‌లైతే ఇలా ఉండేది అలా ఉండేది అంటూ సోష‌ల్ మీడియాలో హ‌ల్ చ‌ల్ చేస్తున్నారు. 'కేజీఎఫ్ చాప్టర్ 2' చూసి థియేటర్లలో నుంచి బయటకు వస్తూ పబ్లిక్ టాక్ చెబుతున్నట్లు మీమ్స్ క్రియేట్ చేస్తున్నారు. సినిమాలో రాకీ భాయ్ పెర్ఫార్మన్స్ ఇలా ఉందని.. ప్రశాంత్ నీల్ డైరెక్షన్ అలా ఉందని.. యాక్షన్ సీన్స్ - ఎలివేషన్ సీన్స్ కి కోదవే లేదని మీమ్స్ చేస్తున్నారు. కేజీఎఫ్ ఫ్యాన్స్ చాప్టర్-2 కోసం ఎంతగా ఎదురు చూస్తున్నారో ఈ మీమ్స్ చూస్తుంటే అర్థం అవుతుంది.
ప్రస్తుతం పోస్ట్ ప్రొడక్షన్ కార్యక్రమాలు జరుపుకుంటున్న 'కేజీఎఫ్ చాప్టర్ 2' చిత్రాన్ని వినాయక చవితి కానుకగా సెప్టెంబర్ 9న విడుదల చేయాలని మేకర్స్ సన్నాహాలు చేస్తున్నారని ప్రచారం జరుగుతోంది. మరి త్వరలోనే ఈ పాన్ ఇండియా ప్రాజెక్టు రిలీజ్ డేట్ పై క్లారిటీ వస్తుందేమో చూడాలి. కాగా, 'కేజీఎఫ్ 2' చిత్రంలో బాలీవుడ్ నటుడు సంజయ్‌ దత్‌ ‘అధీరా’ అనే మెయిన్ విలన్ పాత్రలో కనిపించనున్నారు. శ్రీనిధి శెట్టి హీరోయిన్ గా నటిస్తుండగా.. బాలీవుడ్ నటి రవీనా టాండన్ కీల‌క పాత్ర పోషించారు. ప్రకాష్ రాజ్ - రావు రమేష్ - ఈశ్వరీ రావు తదితరులు ఇతర ప్రధాన పాత్రల్లో కనిపించనున్నారు.
'కేజీఎఫ్ 1' చిత్రానికి మించి చాప్టర్-2 ఉండబోతోందని ఇప్పటికే విడుదలైన ప్రచార చిత్రాలు - టీజర్ చూస్తే అర్థం అవుతుంది. ఈ నేపథ్యంలో రిలీజ్ బిజినెస్ కూడా భారీ స్థాయిలో జరిగినట్లు ట్రేడ్ వర్గాలు చెబుతున్నాయి. కేవలం ఆడియో రైట్స్ 7.2 కోట్లకు అమ్ముడు పోయాయంటేనే ఈ సినిమా క్రేజ్ ఎలా ఉందో చెప్పవచ్చు. రవి బస్రుర్ ఈ చిత్రానికి సంగీతం సమకూర్చారు. త్వరలో ప్రేక్షకుల ముందుకు రాబోతున్న 'కేజీఎఫ్ చాప్టర్ 2' ఎలాంటి సంచలనాలు క్రియేట్ చేస్తుందో చూడాలి.
ఈ నేపథ్యంలో 'కేజీఎఫ్' ఫ్రాంఛైజీ ఫ్యాన్స్ మాత్రం ఈరోజు సినిమా విడుద‌లైతే ఇలా ఉండేది అలా ఉండేది అంటూ సోష‌ల్ మీడియాలో హ‌ల్ చ‌ల్ చేస్తున్నారు. 'కేజీఎఫ్ చాప్టర్ 2' చూసి థియేటర్లలో నుంచి బయటకు వస్తూ పబ్లిక్ టాక్ చెబుతున్నట్లు మీమ్స్ క్రియేట్ చేస్తున్నారు. సినిమాలో రాకీ భాయ్ పెర్ఫార్మన్స్ ఇలా ఉందని.. ప్రశాంత్ నీల్ డైరెక్షన్ అలా ఉందని.. యాక్షన్ సీన్స్ - ఎలివేషన్ సీన్స్ కి కోదవే లేదని మీమ్స్ చేస్తున్నారు. కేజీఎఫ్ ఫ్యాన్స్ చాప్టర్-2 కోసం ఎంతగా ఎదురు చూస్తున్నారో ఈ మీమ్స్ చూస్తుంటే అర్థం అవుతుంది.
ప్రస్తుతం పోస్ట్ ప్రొడక్షన్ కార్యక్రమాలు జరుపుకుంటున్న 'కేజీఎఫ్ చాప్టర్ 2' చిత్రాన్ని వినాయక చవితి కానుకగా సెప్టెంబర్ 9న విడుదల చేయాలని మేకర్స్ సన్నాహాలు చేస్తున్నారని ప్రచారం జరుగుతోంది. మరి త్వరలోనే ఈ పాన్ ఇండియా ప్రాజెక్టు రిలీజ్ డేట్ పై క్లారిటీ వస్తుందేమో చూడాలి. కాగా, 'కేజీఎఫ్ 2' చిత్రంలో బాలీవుడ్ నటుడు సంజయ్‌ దత్‌ ‘అధీరా’ అనే మెయిన్ విలన్ పాత్రలో కనిపించనున్నారు. శ్రీనిధి శెట్టి హీరోయిన్ గా నటిస్తుండగా.. బాలీవుడ్ నటి రవీనా టాండన్ కీల‌క పాత్ర పోషించారు. ప్రకాష్ రాజ్ - రావు రమేష్ - ఈశ్వరీ రావు తదితరులు ఇతర ప్రధాన పాత్రల్లో కనిపించనున్నారు.
'కేజీఎఫ్ 1' చిత్రానికి మించి చాప్టర్-2 ఉండబోతోందని ఇప్పటికే విడుదలైన ప్రచార చిత్రాలు - టీజర్ చూస్తే అర్థం అవుతుంది. ఈ నేపథ్యంలో రిలీజ్ బిజినెస్ కూడా భారీ స్థాయిలో జరిగినట్లు ట్రేడ్ వర్గాలు చెబుతున్నాయి. కేవలం ఆడియో రైట్స్ 7.2 కోట్లకు అమ్ముడు పోయాయంటేనే ఈ సినిమా క్రేజ్ ఎలా ఉందో చెప్పవచ్చు. రవి బస్రుర్ ఈ చిత్రానికి సంగీతం సమకూర్చారు. త్వరలో ప్రేక్షకుల ముందుకు రాబోతున్న 'కేజీఎఫ్ చాప్టర్ 2' ఎలాంటి సంచలనాలు క్రియేట్ చేస్తుందో చూడాలి.
