సందీప్ కిషన్ తో కలిసి.. లాక్ డౌన్లో సీక్రెట్ గా వ‌ర్క‌వుట్ చేశాః విజ‌య్ దేవ‌ర‌కొండ‌

యంగ్ హీరోల్లో త‌న‌కంటూ స్పెష‌ల్ ఇమేజ్ క్రియేట్ చేసుకున్న న‌టుడు విజ‌య్ దేవ‌ర‌కొండ‌. చిన్న చిన్న పాత్ర‌ల‌తో ఇండ‌స్ట్రీలోకి వ‌చ్చి.. అతి త‌క్కువ కాలంలోనే స్టార్ హీరోగా మారిపోయాడు. అయితే.. ఇండ‌స్ట్రీలోని పాత మిత్రుల‌ను మ‌రిచిపోకుండా.. త‌న‌వంతుగా స‌హ‌కారం అందిస్తూనే ఉన్నాడు.

ఆ మ‌ధ్య న‌వీన్ పొలిశెట్టి ‘జాతిర‌త్నాలు’ ప్రీ-రిలీజ్ ఈవెంట్ కు వ‌చ్చిన వీడీ.. సినిమాను ప్రమోట్ చేసేందుకు తనవంతు సహకారం అందించాడు. అంతేకాదు.. ఆ సినిమాలో ‘బ్లూష‌ర్ట్’ క్యారెక్టర్లో తళుక్కున మెరిశాడు కూడా. తాజాగా.. యువ హీరో సందీప్ కిష‌న్ ‘గ‌ల్లీ రౌడీ’ టీజర్ లాంచ్ చేశాడు. ఈ సంద‌ర్భంగా త‌మ మ‌ధ్య ఉన్న రిలేష‌న్ గురించి వివ‌రించాడు.

సందీప్ కిషన్ తో తనకు ప్రత్యేక అనుబంధం ఉందని చెప్పాడు విజ‌య్ దేవ‌ర‌కొండ‌. లాక్ డౌన్లో తాము సీక్రెట్ గా జిమ్ సెంట‌ర్ కు వెళ్లి వ‌ర్కవుట్లు చేసేవాళ్ల‌మ‌ని తెలిపాడు. అక్క‌డే చాలా స‌మ‌యం గ‌డుపుతూ.. ఎన్నో గాసిప్స్ గురించి డిస్క‌స్ చేసుకునేవాళ్ల‌మ‌ని చెప్పాడు.

ఇక‌, ఎప్పుడైనా త‌మ‌లో ఒక‌రు రాక‌పోతే.. ఆ రోజంతా దిగాలుగా ఉండేద‌ని చెప్పుకొచ్చాడు వీడీ. తానైతే.. కాలేజీ రోజుల్లో అమ్మాయిల కోసం ఎదురు చూసిన‌ట్టుగా.. వెయిట్ చేసేవాడిన‌ని చెప్పాడు. త‌మ ఇద్ద‌రి మ‌ధ్య అంత మంచి బాండింగ్ ఉండేద‌ని చెప్పాడు.