రియా చక్రవర్తిని కలిసిన టాలీవుడ్ బడా నిర్మాతలు!

బాలీవుడ్ నటి రియా చక్రవర్తి గురించి ఇప్పుడు తెలియని వారు లేరు. సుశాంత్ సింగ్ మరణంలో రియా పాత్ర ఉందనే అభియోగాలు మొదలు.. డ్రగ్స్ సప్లయిలో ప్రధాన సూత్రధారిగా ఉందంటూ ఆమె చాలా ఆరోపణలు వచ్చాయి. ఈ క్రమంలో అరెస్టయిన రియా.. దాదాపు నెల రోజులపాటు జైలు జీవితాన్ని కూడా అనుభవించారు.

జైలు నుంచి విడుదలై వచ్చిన తర్వాత.. ఆమె తీవ్ర మానసిక ఒత్తిడిలో ఉండిపోయారు. దీంతో రియా చక్రవర్తి సినీ కెరీర్ ముగిసిపోయినట్టేనని అందరూ వ్యాఖ్యానించారు. చివరకు.. బాలీవుడ్ మీడియా కూడా ఇదే మాట రాసింది. అయితే.. ఆమెపై ఏ స్థాయిలో విమర్శలు వచ్చాయో.. సానుభూతి కూడా అంతే స్థాయిలో వ్యక్తమైంది.

అయితే.. తాజా ఓ న్యూస్ సంచలనం రేకెత్తిస్తోంది. ఇద్దరు టాప్ టాలీవుడ్ నిర్మాతలు ఇటీవల రియాను సంప్రదించారట! వారి సినిమాల్లో రియాకు లీడ్ రోల్స్ ఆఫర్ చేశారట. మరి, వారు ఎవరు? రియాకు ఎలాంటి పాత్రలు ఆఫర్ చేశారు? ఏ సినిమాల్లో? అన్న విషయాలు తెలియాలంటే.. అధికారిక ప్రకటన వచ్చే వరకూ వెయిట్ చేయాల్సిందే.

కాగా.. రియా చక్రవర్తి నటిగా తెరంగేట్రం చేసింది కూడా తెలుగు నుంచే కావడం విశేషం. ఎంఎస్ రాజు దర్శకత్వంలో 2012లో తెరకెక్కిన రొమాంటిక్ ఎంటర్టైనర్ ‘తూనీగ తూనీగ’ చిత్రంలో హీరోయిన్ గా చేసింది రియా. ఇప్పుడు.. వస్తున్న వార్తలు నిజమైతే మాత్రం సెకండ్ ఇన్నింగ్స్ కూడా టాలీవుడ్ నుంచే మొదలు కానుంది.