`సాహో` షేడ్స్2.. సెల‌బ్ ఒపీనియ‌న్‌

బూమ్! అంటూ పెద్ద ట్విస్టిచ్చాడు డార్లింగ్ ప్ర‌భాస్. `షేడ్స్ ఆఫ్ సాహో చాప్ట‌ర్ 2` మేకింగ్ వీడియోలో ప్ర‌భాస్- శ్ర‌ద్ధా జంట‌ లుక్ .. గ‌న్స్ ఎలివేష‌న్.. యాక్ష‌న్ స్టైల్.. ప్ర‌తిదీ ఫ్యాన్స్ తో పాటు కామ‌న్ ఆడియెన్ ని షేక్ చేసాయి. బాహుబ‌లి త‌ర్వాత మ‌ళ్లీ అలాంటి ప్ర‌కంప‌నాలు సాధ్య‌మేన‌న్న భ‌రోసారి ఈ వీడియో ఇచ్చింది. ముందే చెప్పిన‌ట్టే సుజీత్ బృందం హాలీవుడ్ రేంజ్ సెటప్ తో భారీ యాక్ష‌న్ ఎంట‌ర్ టైన‌ర్ ని తీర్చిదిద్దుతున్న వైనం మేకింగ్ వీడియోలో మైమ‌రిపించింది. క‌చ్ఛితంగా ఇది ఇండియ‌న్ సినిమా హిస్ట‌రీలో మునుపెన్న‌డూ చేయ‌ని ప్ర‌య‌త్నం. ఖాన్ దాదాల‌కే చెమ‌ట‌లు ప‌ట్టించే రేంజులో ప్ర‌భాస్ త‌న‌ని తాను ఆవిష్క‌రించుకుంటున్నార‌ని సాహో విజువ‌ల్స్ చెబుతున్నాయి.

ప్ర‌స్తుతం షేడ్స్ ఆఫ్ సాహో చాప్ట‌ర్ 2 అంత‌ర్జాలంలో దూసుకుపోతోంది. అయితే సాహో షేడ్స్ పై టాలీవుడ్ హీరోల స్పంద‌న ఎలా ఉంది? బాలీవుడ్, కోలీవుడ్ నుంచి స్పంద‌న ఎలా ఉంది? అన్న‌ది ప‌రిశీలిస్తే.. ఈ వీడియో చూశాక బాలేదు అన్న‌వాళ్లే లేరు. టాలీవుడ్ కోలీవుడ్ నుంచి హీరోలు, ద‌ర్శ‌కులు, క్రిటిక్స్ అద్భుతం అంటూ కీర్తించారు. రానా ద‌గ్గుబాటి, అడివి శేష్, మారుతి, నిఖిల్ సిద్ధార్థ్, వెన్నెల కిషోర్, బీవీఎస్ ర‌వి, కౌశిక్ ఎల్‌.ఎం, 1000 సినిమాల పీఆర్వో బీఏ రాజు, క్రిటిక్ కౌశిక్ ఎల్ఎం .. ఇంత‌మంది త‌మ‌దైన స్పంద‌న‌లు తెలియ‌జేశారు. సాహో చిత్రం ఇండియ‌న్ సినిమా స్థాయిని అంత‌ర్జాతీయ స్థాయికి తీసుకెళుతోంది అని ప‌లువురు ప్ర‌శంస‌ల వ‌ర్షం కురిపించారు. ప్ర‌భాస్ టీమ్ ని పొగిడేసారంతా.

భ‌ళ్లాల దేవ రానా మాట్లాడుతూ .. బూమ్‌!! ల‌వ్ ఇట్ షేడ్స్ ఆఫ్ సామో చాప్ట‌ర్2 అంటూ అభిప్రాయం తెలిపారు. అడివి శేష్ ప్ర‌స్థావిస్తూ.. షేడ్స్ ఆఫ్ సాహో 2 కిల్ల‌ర్ స్ట‌ఫ్ తో ఆక‌ట్టుకుంది.. ది బిగ్ మ్యాన్ ఈజ్ క‌మింగ్ అంటూ సుజీత్ పై ప్ర‌శంస‌లు కురిపించారు. బూమ్ అనిపించారు అంటూ పొగిడేశారు. `వ‌ర‌ల్డ్ సినిమా గెట్ రెడీ టు బూమ్.. సాహో క‌మింగ్‌! అంటూ జోష్ ఫుల్ గా అభిప్రాయాన్ని షేర్ చేసుకున్నారు. అంచ‌నాల్ని మించి ప్ర‌తి షాడో ఎలివేట్ అవుతున్నాయి.. బూమ్! అంటూ వెన్నెల కిషోర్ జోయ్ చూపించారు. ద‌ర్శ‌కుడు బివీఎస్ ర‌వి .. ``స్పైసీ టెక్ సావీ స్లిక్ యాక్ష‌న్ షేపింగ్ విత్ డెడ్లీ హ్యాండ్స‌మ్ డార్లింగ్ ప్ర‌భాస్`` అంటూ ఒపీనియ‌న్ షేర్ చేశారు. శ్ర‌ద్ధా క‌పూర్ లుక్ ని ప్ర‌శంసించారు. యు.వి.క్రియేష‌న్స్ సాహో చిత్రంతో టాలీవుడ్ ని నెక్ట్స్ లెవ‌ల్ కి తీసుకెళుతోంద‌ని ద‌ర్శ‌కుడు మారుతి ఆనందం వ్య‌క్తం చేశారు. ఇంకా వేచి చూడ‌లేక‌పోతున్నాన‌ని ఎగ్జ‌యిట్ అయ్యారు. మతి చెడే భారీ యాక్ష‌న్ స‌న్నివేశాల‌తో షేడ్స్ చూపించార‌ని 1000 సినిమాల టాలీవుడ్ దిగ్గ‌జ‌ పీఆర్వో బీఏ రాజు త‌న‌ అభిప్రాయం షేర్ చేశారు. యాక్ష‌న్ ప్యాక్డ్ షేడ్స్ అంటూ క్రిటిక్ కౌశిక్ ఎల్.ఎం స్పందించారు. ప్ర‌ముఖ త‌మిళ‌ క్రిటిక్ శ్రీ‌ధ‌ర్ పిళ్లై ఎగ్జ‌యిటింగ్.. థ్రిల్లింగ్ చాప్ట‌ర్ 2.. ప్ర‌భాస్ అంటూ అభినందించారు. బాలీవుడ్ నుంచి త‌ర‌ణ్ ఆద‌ర్శ్ స‌హా రోహిత్ జైస్వాల్ షేడ్స్ ఆఫ్ సాహో చాప్ట‌ర్ 2 మేకింగ్ వీడియోపై ప్ర‌శంస‌ల జ‌ల్లు కురిపించారు. హిందీలో 25కోట్లు పైగా ఓపెనింగ్ డే వ‌సూళ్లు సాధించే చిత్ర‌మిద‌ని రోహిత్ జైస్వాల్ సోష‌ల్ మీడియాలో పోస్ట్ చేయ‌డం ఆస‌క్తిని పెంచింది.