హైదరాబాద్‌ లోనే కోడి పందాలు కాసిన స్టార్స్‌

సంక్రాంతి అనగానే ఆంధ్ర గుర్తుకు వస్తుంది. ఆంధ్రాలో కోడి పందెంల జోరు మామూలుగా ఉండదు. సంక్రాంతి సీజన్‌ సందర్బంగా వారం రోజులు కోడి పందెలు కాస్తారు. విదేశాల నుండి వచ్చి మరీ గోదావరి జిల్లాల్లో కోడి పందాలు జరుగుతూ ఉంటాయి. టాలీవుడ్‌ కు చెందిన ప్రముఖులు కూడా గోదావరి జిల్లాలో కోడి పందాలు వేసేందుకు వెళ్తారు. ఎంతో మంది స్టార్స్‌ గతంలో కోడి పందాలు కాసిన విషయం తెల్సిందే. ఈసారి హైదరాబాద్‌ లోనే టాలీవుడ్‌ స్టార్స్‌ కోడి పందాలు కాసినట్లుగా తెలుస్తోంది.

ప్రముఖ టాలీవుడ్‌ స్టార్‌ హీరో ఫార్మ్‌ హౌస్‌ లో ఈసారి కోడి పందాలు జరిగినట్లుగా తెలుస్తోంది. పలువురు యంగ్‌ హీరోలు మరియు హీరోయిన్స్‌ కూడా ఈ కోడి పందాల్లో పాల్గొన్నట్లుగా తెలుస్తోంది. రెండు రోజుల పాటు జరిగిన ఈ కోడి పందాల్లో లక్షల రూపాయలు చేతులు మారినట్లుగా టాలీవుడ్‌ వర్గాల్లో ప్రచారం జరుగుతోంది.

నిర్మాతలు దర్శకులతో పాటు టాలీవుడ్‌ స్టార్స్‌ పలువురు పాల్గొన్న ఈ కోడి పందాలకు అనధికారికంగా పోలీసుల నుండి కూడా మద్దతు లభించినట్లుగా సమాచారం అందుతోంది. మొత్తానికి కోడి పందాల ఆనవాయితీని హైదరాబాద్‌ లో కూడా ఆ స్టార్‌ తీసుకు వచ్చాడు. ముందు ముందు కూడా సంక్రాంతికి హైదరాబాద్‌ లో కోడి పందాలు మరింతగా పెరిగే అవకాశం ఉందని అంటున్నారు.