తారల దీపావళి సంథింగ్ స్పెషల్

దీపావళికి ఒక్కొక్కరు పండుగని ఒక్కో టైపులో జరుపుకుంటారు. ఇక సినిమా తారల సంగతైతే అసలు చెప్పనక్కర్లేదు. కానీ కొంతమంది మాత్రం తమకు నచ్చిన టైప్ లో ఆర్బాటాలకు పోకుండా ఫెస్టివల్ మూమెంట్స్ ని ఎంజాయ్ చేయాలని అనుకుంటారు. అలా ఫ్యామిలీతో పండుగ చేసుకుంటున్న వారు ఏం చేయనున్నారో తెలుసుకుందాం.

టాలీవుడ్ చందమామ కాజల్.. ప్రస్తుతం మహేష్ - పవన్ ల సరసన చేస్తూ మహా బిజీగా ఉంది. అయితే.. దీపావళికి మాత్రం తన ఫ్యామిలీ దగ్గరకి వెళ్లిపోనుంది. తండ్రి ఆఫీసులో తనే పూజ చేయడం అమ్మడి సెంటిమెంట్. అంతే కాదు.. ఇంట్లో ముగ్గులు పెట్టి మరీ పూజ చేసుకుంటోంది కాజల్. సాయంత్రం కజిన్స్ తో కలిసి గిఫ్టులు ఎక్స్ ఛేంజ్ చేసుకోవడం, క్రాకర్స్ సంగతి చూసేయడం అయిపోయాక.. మళ్లీ నెక్ట్స్ డే మార్నింగ్ హైద్రాబాద్ వచ్చేస్తోంది కాజల్.

టాలీవుడ్ హీరో ఆది పినిశెట్టికి పెళ్లయ్యాక ఇది తొలి దీపావళి. అందుకే తమ సొంతూరైన రాజమండ్రికి భార్య అరుణతో సహా వెళ్తున్నాడు ఆది. ఈసారి వంటల స్పెషలిస్ట్ తన భార్యేనట. స్వీట్స్ - హాట్స్ - పిండివంటలు.. ఇలా ఏదైనా సరే ఆమె సూపర్బ్ గా చేస్తుందని చెబ్తున్నాడు. టపాకాయల విషయానికొస్తే.. చిన్నపుడు ఇష్టంగా కాల్చేవాడట కానీ.. ఇప్పుడంత ఉత్సాహం లేదంటన్నాడు. కాకపోతే భార్యతో కలిసి కాసిని టపాసులు మాత్రం వెలిగిస్తాడట.