న్యూ ఇయర్ కోసం టి-ఫ్యామిలీలు రెడీ

న్యూ ఇయర్ వేడుకలను ఈసారి టాలీవుడ్ తారలు చాలా గ్రాండ్ గా సెలబ్రేట్ చేసుకోబోతున్నారు. హీరోలు హీరోయిన్స్ ఎవరికీ వారు తోచినట్టుగా స్పెషల్ గా ప్లాన్స్ వేసుకున్నారు. ఇప్పటికే కొంత మంది విదేశాలకు వెళ్లగా మరికొంత మంది ఇండియాలోని ప్రముఖ నగరాలను చుట్టేయాలని చూస్తున్నారు. ఈ ఏడాది బాహుబలి తో విజయం అందుకున్న ప్రభాస్ 2018కి సాహో అంటూ ఘనంగా స్వాగతం పలకనున్నారు. ప్రస్తుతం లాస్ ఏంజిల్స్ రాజ్యంలో బాహుబలి సేదతీరుతున్నాడు.

తమన్నా - కాజల్ అలాగే రకుల్ వంటి స్టార్ హీరోయిన్స్ కూడా ఎవరి స్టైల్ లో వారు స్పెషల్ ట్రిప్స్ వేసుకున్నారు. తమన్నా డిసెంబర్ 31 బెజవాడలో జరిగే ఒక గ్రాండ్ ఈవెంట్ లో స్పెషల్ డ్యాన్స్ తో అలరించనుంది. అర్జున్ రెడ్డి హీరో విజయ్ దేవరకొండ కూడా బార్సిలోనాలో మొదటి సారి న్యూ ఇయర్ సెలబ్రేషన్స్ చేసుకోనున్నాడు. ఇక వీరందరికంటే న్యూ ఇయర్ కి రచ్చ రచ్చ చేయాలనీ అక్కినేని ఫ్యామిలీ ప్లాన్ వేసుకుంది.

ఈ ఏడాది అక్టోబర్ లో గోవాలో పెళ్లి చేసుకున్న కొత్త జంట అక్కినేని నాగ చైతన్య - సమంత మళ్లీ గోవాలోనే మరో గ్రాండ్ పార్టీ చేసుకోనున్నారట. ఇప్పటికే సుశాంత్ అక్కడికి వెళ్లగా చైతు సమంత కూడా ఉదయాన్నే అక్కడికి వెళ్లనున్నారు. ఇక వారితో పాటు హలో హిట్ కొట్టిన అఖిల్ కూడా ఫ్యామిలీ వేసిన చేసుకునే పార్టీలో సక్సెస్ ను ఎంజాయ్ చేసుకోవాలని ఫిక్స్ అయ్యాడు. మెగా - ఘట్టమనేని - దగ్గుబాటి - అల్లువారు.. ఇలా అన్ని ఫ్యామిలిలు ఎవరికి తగ్గట్టు వారు న్యూ ఇయర్ ని సెలబ్రేట్ చేసుకోబోతున్నారు.