సెలబ్రిటీ విషెస్ పవర్ ఎలా ఉంటుందో

ఇప్పుడు వస్తున్న సినిమాలన్నీ కూడా.. ఆ సినిమాల కంటెంట్ అండ్ కటౌట్ ఎలా ఉన్నా కూడా.. ప్రమోషన్ తో మాత్రం అదరగొట్టేస్తున్నారు. మొన్నటికి మొన్న తన కాంటాక్ట్స్ అన్నీ వాడేసి దర్శకుడు సుకుమార్ తన అన్నయ్య కొడుకును హీరోగా పరిచయం చేస్తూ ప్రొడ్యూస్ చేస్తున్న 'దర్శకుడు' కోసం మాంచి పిండుడే పిండాడు. రామ్ చరణ్‌ నుండి ఎన్టీఆర్ వరకు.. సమంత నుండి రకుల్ వరకు.. చక్కగా వాడుకున్నాడు. బజ్ క్రియేట్ చేసుకున్నాడు. ఇప్పుడు అదే ఫార్మాట్లో ఇంకో సినిమా కూడా వెళుతోంది.

పాపులర్ పిఆర్వో బి.ఎ.రాజు గతంలో తన భార్య జయ డైరక్షన్లో చాలా సినిమాలు తీసినట్లే.. ఇప్పుడు కూడా ''వైశాఖం'' అనే సినిమాతో వస్తున్నాడు. ఈ సినిమాను ప్రమోట్ చేయడం తన కాంటాక్ట్స్ అన్నీ గట్టిగానే వాడేశాడాయన. ఆడియో లాంచ్ కు మహేష్‌ బాబు.. మధ్యలో వేరే ఈవెంట్ కు నాగచైతన్య.. ఇవాళ ప్లాటినం డిస్క్ అంటూ అక్కినేని నాగార్జున విచ్చేసి ఈ సినిమాకు విషెస్ చెప్పేసి వెళ్ళారు. వీళ్లందరి రాకతో ఈ సినిమాలో అసలు ఏముంది అనే ఆసక్తి జనాల్లో కాస్త పెరిగినట్లే ఉంది. ఇకపోతే టివిల్లో కూడా ఈ సినిమా డైరక్ట్ ప్రోమోలకంటే కూడా.. మహేష్‌ అండ్ చైతు చెప్పిన స్టేట్మెంట్లతో ప్రోమోలు కట్ చేశారు. దాని వలన ఎక్కువమంది ఎట్రాక్ట్ అవుతారనేది వీరి ఆకాంక్ష.

ఇకపోతే సినిమా విషయానికొస్తే.. ప్రస్తుతానికి డిజె వసంత్ అందించిన మ్యూజిక్ గట్టిగా వినిపిస్తోంది. ముఖ్యంగా 'భానుమతి భానుమతి' అనే సాంగ్ హైలైట్ అయ్యింది. అలాగే సదరు పాటల్లో 'మాయ' సినిమాతో టాలీవుడ్ లోకి ఎంట్రీ ఇచ్చిన హీరోయిన్ అవంతిక మిశ్రా తన గ్లామర్ తో రచ్చలేపుతోంది. ప్రెస్ మీట్లలో కూడా ఈమె గ్లామర్ అదిరిపోతోంది. మరి వీటన్నింటి పవర్ తో రిజల్ట్ ఎలా ఉంటుంది అనేది ఈ శుక్రవారం ''వైశాఖం''కు వచ్చే ఓపెనింగ్స్ చెప్పేస్తాయ్!!