మహేష్ మాట బాగా టచ్ అయ్యింది

ఒక సినిమా సూపర్ హిట్ అయ్యి హీరోకి స్టార్ డమ్ తెచ్చి పెట్టిందంటే దానికి మెయిన్ రీజన్ సినిమాను తెరకెక్కించిన దర్శకుడు అని చెప్పాలి. ప్రస్తుత రోజుల్లో చాలా మంది హీరోలు ఇప్పుడు అత్యున్నత స్థాయిలో అభిమానులను సంపాదించుకున్నారంటే వారిని ఆ స్థాయిలో నిలబెట్టింది ఒక కారణం దర్శకులనే చెప్పాలి. ఒకప్పుడు దర్శకుడుకి చాలా గౌరవం ఉండేది. అప్పట్లో ఎన్టీఆర్ - ఏఎన్నార్ వంటి సీనియర్ నటులు దర్శకుడే గురువు అనే వారు.

అయితే ప్రస్తుత రోజుల్లో చాలా మంది దర్శకులకు ఆ స్థాయిలో ఆదరణ దక్కడం లేదు. అంతే కాకుండా దర్శకుడికి స్వేచ్ఛ కూడా దక్కడం లేదనే చెప్పాలి. అయితే కొంత మంది హీరోలు మాత్రం ఏ స్థాయిలో ఉన్నప్పటికి దర్శకులని దేవుళ్ళలాగా చూస్తున్నారు. అటువంటి వారిలో సూపర్ స్టార్ మహేష్ ఒకరు. రీసెంట్ గా స్పైడర్ ప్రీ రిలీజ్ వేడుకలో మహేష్ ఇచ్చిన స్పీచ్ కి ప్రతి ఒక్కరు ఫిదా అయిపోయారు. ముఖ్యంగా మహేష్ దర్శకులు నాకు దేవుళ్లతో సమానం అనడంతో చాలా మంది దర్శకులు రీసెంట్ గా పార్టీలో కలుసుకున్నప్పుడు ఇదే చర్చించుకున్నారు. నిజంగా మహేష్ లాంటి స్టార్ దర్శకులకు అంతటి గౌరవం ఇవ్వడం చాలా గొప్ప విషయమని వారు మాట్లాడుకున్నారట.

మహేష్ కూడా కథ వినగానే నచ్చినప్పుడు.. డౌట్ లు ఉంటె ముందే క్లారిఫై చేసుకుంటాడట. ఇక ఒక్క సారి షూటింగ్ స్టార్ట్ అయితే ఎండ్ అయ్యే వరకు మహేష్ స్క్రిప్ట్ విషయంలో అస్సలు ఇన్వాల్వ్ కాడని టాలీవుడ్ లో గట్టి టాక్ ఉంది. ఇక మహేష్ - మురగదాస్ కాంబో లో వచ్చిన స్పైడర్ సినిమా ఈ నెల 27న రిలీజ్ కాబోతోంది.