పోసాని శిష్యులు ఫైనల్ గా ఒకే ఫోటోలో..!

పాపులర్ రైటర్ - నటుడు పోసాని కృష్ణమురళికి ఇండస్ట్రీలో చాలామంది శిష్యులు ఉన్నారు. అగ్ర దర్శకులుగా పేరు తెచ్చుకున్న త్రివిక్రమ్ శ్రీనివాస్.. బోయపాటి శ్రీను.. కొరటాల శివలు పోసాని స్కూల్ నుంచి వచ్చినవారే. త్రివిక్రమ్ సంగతి పక్కన బెడితే బోయపాటి - కొరటాల పోసానికి బంధువులు కూడా. బోయపాటి దర్శకత్వం వహించిన సినిమాలకు కొరటాల మొదట్లో రచయితగా పని చేశాడు. కానీ తర్వాత ఇద్దరికీ పడలేదని అందుకే కొరటాల డైరెక్టర్ గా మారాడని టాక్ ఉంది.

అప్పటినుండి వారు ఒకే వేదిక పంచుకున్న సందర్భమే లేదు. కానీ చాలా ఏళ్ళ తర్వాత మెగాస్టార్ పుట్టిన రోజు సందర్భంగా ఇద్దరూ ఒక గ్రూప్ ఫొటోలో కనిపించడం విశేషం. ఈ ఫోటోలో మెగాస్టార్ చిరంజీవి తో పాటుగా రామ్ చరణ్ - అల్లు అర్జున్ - సుకుమార్ - వంశీ పైడిపల్లి - పరశురామ్ - వక్కంతం వంశీ - అల్లు శిరీష్ తదితరులు ఉన్నారు. కొరటాల -బోయపాటి పక్కనే నిలబడక పోయినా ఇద్దరూ ఒకే ఫోటోను పంచుకోవడం మాత్రం హాట్ టాపిక్ అయింది.

బోయపాటి ప్రస్తుతం రామ్ చరణ్ సినిమాకు దర్శకుడు కాగా - కొరటాల శివ తన నెక్స్ట్ సినిమాను చిరంజీవితో చేస్తున్నాడు. ఇద్దరూ మెగా కాంపౌండ్ లో సినిమాలు చేస్తున్నారు కాబట్టి ఇలా చిరు సర్ప్రైజ్ ఇచ్చారు.