వైరల్ అవుతున్న టాలీవుడ్ అందగాడి న్యూ పిక్..!

టాలీవుడ్ అందగాడు ఎవరంటే.. అందరి నోటా ఠక్కున వచ్చే పేరు సూపర్ స్టార్ మహేష్ బాబు. మొన్నటివరకు ప్రిన్స్ గా పిలవబడిన మహేష్.. ప్రస్తుతం సూపర్ స్టార్ గా నీరజనాలు అందుకుంటున్నాడు. అలాగే జనాలు కూడా ప్రేమగా సూపర్ స్టార్ అనే పిలుచుకుంటున్నారు. ప్రస్తుతం మహేష్ బాబు 'సర్కారు వారి పాట' అనే సినిమా చేస్తున్నాడు. ఆ సినిమాకు గీతగోవిందం ఫేమ్ పరశురామ్ దర్శకత్వం వహిస్తున్నాడు. ప్రస్తుతం శరవేగంగా షూటింగ్ జరుపుకుంటున్న ఈ సినిమా ఇప్పటికే నలభై శాతం షూటింగ్ ముగించుకున్నట్లు తెలుస్తుంది. అయితే ఫస్ట్ టైం మహేష్ బాబు, పరశురామ్ కాంబినేషన్ లో సినిమా వస్తుంది. అలాగే ఈ సినిమా ఫస్ట్ లుక్స్, మోషన్ పోస్టర్ లతో కూడా మహేష్ విపరీతంగా ఆకట్టుకున్నాడు.

అయితే ఇప్పటికే సినిమా పై అంచనాలు పెరిగిపోయాయి. మహేష్ కు అభిమానులు కోట్లసంఖ్యలో ఉన్నారు. సినిమాల పరంగానే కాకుండా మహేష్ ను వ్యక్తిగతంగా కూడా కోట్లసంఖ్యలో ఆరాధిస్తారు. అయితే అప్పుడప్పుడు మహేష్ కొత్త లుక్స్ తో సోషల్ మీడియాలో దర్శనమిస్తాడు. తాజాగా ఆయన సతీమణి నమ్రతా శిరోద్కర్.. ఇంస్టాగ్రామ్ వేదికగా మహేష్ లేటెస్ట్ పిక్ పోస్ట్ చేసింది. చిరునవ్వుతో మహేష్ వెలుగుతున్న ఫేస్ చూసి ఇలాగే ఎల్లప్పుడూ నవ్వుతూ ఉండాలని ఆమె చెప్పుకొచ్చింది. ప్రస్తుతం సోషల్ మీడియాలో మహేష్ బాబు పిక్ వైరల్ అవుతోంది. మహేష్ నిజంగానే చెదరని అందం కలిగినవాడు. అందుకే ఆ రేంజిలో ఫాలోయింగ్ కలిగి ఉన్నాడంటూ నేటిజన్లు కామెంట్స్ చేస్తున్నారు.