ఆజానుబాహుడికి అందగత్తెల విషెస్

టాలీవుడ్ లో ఆజానుబాహుడు ఎవరు అంటే.. ఇప్పటివరకూ చాలా పేర్లు వినిపించేవి కానీ.. ఇప్పుడైతే దగ్గుబాటి రాణా ఒక్కడి పేరే వినిపిస్తుంది. 33 ఏళ్ల పుట్టిన రోజు జరుపుకుంటున్న ఈ అందగాడికి.. టాలీవుడ్ హీరోయిన్స్ అందరూ వరుసపెట్టి విషెస్ చెబ్తున్నారు. దాదాపు లీడ్ హీరోయిన్స్ అందరూ ట్విట్టర్ ద్వారా శుభాకాంక్షలు తెలిపారు.

అందరికంటే ముందు సమంత తెల్లవారుజామునే తన విషెస్‌ ను పోస్ట్ చేసింది. "మానవత్వం ఉన్న మంచి మనిషి, అందరితో సరదాగా ఉండే రానాకు పుట్టినరోజు శుభాకాంక్షల"ని శామ్స్ ట్వీట్ చేసింది. ఆ తర్వాత హన్సిక "హ్యాపీ బర్త్ డే రాణా - ఈ ఏడాది కూడా నీకు చాలా బాగుండాలని"ట్వీట్ పెట్టింది. "రాణాకి హ్యాపీ బర్త్ డే, మనిషి కంటే మంచితనం ఎక్కువగా ఉండే వ్యక్తి " అంటూ రెజీనా ట్వీట్ చేయగా.. "రాణా అంతకంటే ఎక్కువ" అని రకుల్ ప్రీత్ సింగ్ ట్వీట్ చేసింది. మంచు లక్ష్మి అయితే"నీతో ఫ్రెండ్ షిప్ చేస్తున్నందుకు నేను చాలా గర్వపడుతున్నా" అని ట్వీట్ చేసింది.

"హ్యావ్ ఏ గ్రేట్ ఇయర్" అని హీరో రామ్ అంటే.. , "లీడర్ కి హ్యాపీ బర్త్ డే "అంటూ అల్లు శిరీష్‌ చెప్పుకొచ్చాడు. మరోవైపు బాహుబలి సినిమా యూనిట్ కూడా దగ్గుబాటి హీరోకు పుట్టినరోజు శుభాకాంక్షలు తెలిపారు.