యువ‌హీరోపై కుళ్లుకుపోతున్న సాటి హీరోలు!

హీరోగా న‌టించిన రెండు సినిమాల‌తోనే పెద్ద స్టార్ అయ్యాడు న‌వీన్ పోలిశెట్టి. ఏజెంట్ ఆత్రేయ‌.. జాతి రాత్నాలు చిత్రాల‌తో వ‌రుస‌గా బ్లాక్ బ‌స్ట‌ర్లు అందుకుని టాలీవుడ్ లో త‌న స్థానాన్ని ప‌దిలం చేసుకున్నాడు ఈ న‌వ‌త‌రం హీరో. ప్ర‌స్తుతం ఏ నోట విన్నా న‌వీన్ పోలిశెట్టి గురించిన చర్చే. ముఖ్యంగా అత‌డు అందుకున్న సూప‌ర్ హిట్ల కంటే అత‌డి న‌ట‌న గురించి కామెడీ టైమింగ్ గురించి ప‌రిశ్ర‌మ వ‌ర్గాలు ముచ్చ‌టించుకుంటున్నాయి.

అందుకే త‌దుప‌రి న‌వీన్ న‌టించే సినిమా ఏది? అన్న ఆరాలు ఎక్కువ‌య్యాయి. యువి క్రియేష‌న్స్ లో ఇప్ప‌టికే సినిమా ఖాయ‌మైంది. ఇందులో అనుష్క శెట్టి క‌థానాయిక‌. లేడీ ఓరియెంటెడ్ క‌థాంశ‌మే అయినా ఈ చిత్రంలో న‌వీన్ పోలిశెట్టికి న‌ట‌న‌కు ఆస్కారం ఉన్న పాత్ర‌లో క‌నిపిస్తార‌ని స‌మాచారం. 40ఏళ్ల న‌డివ‌య‌స్కురాలితో ప్రేమ‌లో ప‌డే 20 ఏళ్ల కుర్రాడిగా న‌వీన్ క‌నిపించ‌నున్నాడ‌ని తెలుస్తోంది.

ఈ చిత్రానికి `మిస్ శెట్టి .. మిస్టర్ పోలిశెట్టి` అనే టైటిల్ ని ఫైన‌ల్ చేశార‌ని తెలిసింది. రారా కృష్ణ‌య్య ఫేం మ‌హేష్ ద‌ర్శ‌క‌త్వం వ‌హించ‌నున్నారు. నిశ్శ‌బ్ధం త‌ర్వాత సుదీర్ఘ గ్యాప్ తీస్కుని ఇప్పుడు మ‌రో ఆస‌క్తిక‌ర కాన్సెప్ట్ ని ఎంపిక చేసుకున్న అనుష్క మ‌రోసారి త‌న‌వైన అంద‌చందాలు న‌ట‌న‌తో అభిమానుల్ని అల‌రిస్తార‌ని భావిస్తున్నారు. సున్నిత ఉద్వేగాల్ని ప‌లికిస్తూ చక్క‌ని టైమింగ్ తో కామెడీ పండిస్తూ ఆక‌ట్టుకుంటున్న న‌వీన్ పోలిశెట్టి ని హీరోగా ఎంపిక చేయ‌డ‌మే సినిమాకి ప్ర‌ధాన అస్సెట్ కానుంది. ఇక అనుష్క స‌ర‌స‌న యంగ్ హీరో న‌వీన్ జాక్ పాట్ కి సాటి హీరోలు కుళ్లుకుంటున్నార‌న్నది ప్ర‌స్తుతం ఇన్ సైడ్ గుస‌గుస‌.