శివుడిని మోసేస్తున్న టాలీవుడ్

సెంటిమెంట్స్ విషయంలో సినిమా ఇండస్ట్రీ తర్వాతే ఎవరైనా. ఈ విషయంలో చిన్నపాటి డౌట్ కూడా అక్కర్లేదు. పండుగ రోజున అభిమానులను కొత్త పోస్టర్ల రూపంలో పలకరించడం కూడా.. మేకర్స్ సెంటిమెంట్స్ లో భాగమే.

శివరాత్రి సందర్భంగా మహా శివుడి క్రేజ్ ని బేస్ చేసుకున్న కొన్ని సినిమాలను గుర్తు చేసుకోడం ఇప్పుడు సందర్భోచితంగా ఉంటుంది. సమ్మర్ కి షెడ్యూల్ చేసిన సినిమాల్లో అల్లు అర్జున్ మూవీ దువ్వాడ జగన్నాధం.. టైటిల్ నుంచే శివుడితో లింక్ ఉంటుంది. టీజర్ ను కూడా శివరాత్రి కూడా సందర్భంగానే రివీల్ చేసారు. హరీష్ శంకర్ దర్శకత్వంలో దిల్ రాజు నిర్మిస్తున్న దువ్వాడ జగన్నాధం చిత్రంలో.. పూజా హెగ్డే హీరోయిన్ గా నటిస్తోంది.

సమ్మర్ కే రిలీజ్ కానున్న మరో భారీ చిత్రం బాహుబలి ది కంక్లూజన్. ఇందులో అయితే.. ప్రభాస్ పోషించిన ఓ పాత్ర పేరే శివుడు. బాహుబలి అర్ధం కూడా శివుడే. అయితే.. శివరాత్రి సందర్భంగా ఈ మూవీ ఫస్ట్ లుక్ విడుదల చేస్తారని భావించినా.. గ్రాఫిక్స్ వర్క్ ఇంకా కంప్లీట్ కాకపోవడంతో పెండింగ్ లో పెట్టేశారని అంటున్నారు.

మరోవైపు మహేష్ బాబు నటిస్తున్న లేటెస్ట్ మూవీకి కూడా శివుడితో లింక్ ఉందని అంటున్నారు. ఈ సినిమాలో టెర్రరిస్ట్ గ్రూప్ లను మట్టుపెట్టే విధ్వంసకుడు అయిన ఇంటెలిజెన్స్ ఆఫీసర్ పాత్రలో మహేష్ కనిపించనున్నాడు. సహజంగా మహా శివుని ఉగ్రరూపాన్ని ఇలా పోల్చడం పురాణాల ఆనవాయితీ. మొత్తానికి టాలీవుడ్ లో రాబోతోన్న మూడు సినిమాలకు శివుడితో లింక్ ఉండడం ఆశ్చర్యకరమే.

Like Us on Facebook : https://www.facebook.com/Tupakidotcom/