హిట్ ఫ్రాంచైజీ.. మొత్తం ఎన్నంటే?

గడచిన ఐదేళ్ళ కాలంలో తెలుగు చిత్ర పరిశ్రమ ప్రపంచ సినిమాతో పోటీపడుతూ ముందుకు సాగుతున్న విషయం తెలిసిందే. టాలీవుడ్ ఇండస్ట్రీలోనే ప్రస్తుతం పాన్ ఇండియా సినిమా హీరోలు ఎక్కువగా ఉన్నారు. ఇక భవిష్యత్తులో కూడా అంతకు మించి అనేలా అతి పెద్ద ప్రాజెక్టులు కూడా ప్రేక్షకుల ముందుకు రాబోతున్నాయి. మరోవైపు నిర్మాతలు దర్శకులు కూడా ప్రయోగాలు చేసేందుకు ధైర్యం చేస్తున్నారు.

ఇక ఫ్రాంచైజీ సినిమాలలు కూడా అంతకంతకూ పెరుగుతూనే ఉంటాయని అర్థమవుతుంది. ఇప్పటికే అనిల్ రావిపూడి F2 సినిమాకు కొనసాగింపుగా F3 ని విడుదల చేశాడు.

ఇక F4 తో పాటు ఆ తరువాత కూడా ఈ కామేడి ఫ్రాంచైజ్ కొనసాగుతుందని అన్నారు. ఇక నాని కూడా అదే తరహాలో నిర్మాతగా ఒక ప్రయోగం చేయడానికి సిద్ధమవుతున్నాడు. 2020 లో వచ్చిన హిట్ సినిమా ఏ స్థాయిలో విజయాన్ని అందుకుందో ప్రత్యేకంగా చెప్పనవసరంలేదు.

విశ్వక్ సేన్ హీరోగా నటించిన ఆ సినిమాకు శైలేష్ కొలను దర్శకత్వం వహించాడు. అయితే ఆ సినిమాకు కొనసాగింపుగా మరిన్ని సినిమాలు వస్తాయని ఇటీవలనే నాని అఫీషియల్గా క్లారిటీ ఇవ్వడం విశేషం. అంటే F2 తరహాలోనే హిట్ సినిమా కూడా ఒక బ్రాండ్ ఫ్రాంచైజ్ గా తెలుగు చిత్ర పరిశ్రమలో ముందుకు సాగుతుంది అని చెప్పాడు.

నాని వాల్ పోస్టర్ సినిమాలో తెరకెక్కుతున్న హిట్ 2 సినిమాను కూడా త్వరలోనే ప్రేక్షకుల ముందుకు తీసుకురాబోతున్నారు. ఆ సినిమాలో అడవి శేష్ హీరోగా నటిస్తున్న విషయం తెలిసిందే. ఇక భవిష్యత్తులో అదే తరహాలో మొత్తంగా ఏడు హిట్ సినిమాలు ఉంటాయని అన్నారు.

ఇక ఆ సిరీస్ అన్నిటినీ కలిపి మరొక హిట్ సినిమాలలుగా తెరపైకి తీసుకు వస్తానని కూడా నాని చెప్పాడు. మరొక ముఖ్యమైన విషయం ఏమిటంటే ఈ ప్రయాణంలో తాను ఒక హిట్ సినిమాలో అయినా కనిపించవచ్చు అని వివరణ ఇచ్చాడు. మరి ఆ సినిమాలతో నాని నిర్మాతగా ఎలాంటి విజయాలను సొంతం చేసుకుంటాడో చూడాలి.