సెకండాఫ్ లో ట్విస్టులే ట్విస్టులు

టాలీవుడ్ కి 2015లో తొలి అర్ధ భాగం బాగా డల్ గా సాగింది. పటాస్ - టెంపర్ - సత్యమూర్తిలు తప్ప హిట్ అనిపించుకున్న మూవీయే లేదు. కానీ సెకండాఫ్ మాత్రం బోలెడు ట్విస్ట్ లు కనిపిస్తున్నాయి.

సెకండాఫ్ స్టార్ట్ కాగానే ఫస్ట్ ఇంట్రడక్షనే బాహుబలి వచ్చేశాడు. మొత్తం కొత్త, పాత రికార్డులన్నిటినీ తుడిచేసి చరిత్ర సృష్టించేశారు జక్కన్న అండ్ టీం. ఆ తర్వాత మహేష్ బాబు ఎంట్రీ ఇచ్చాడు. బాహుబలి కాక మిగిలిన రికార్డుల భరతం పట్టే పని పెట్టుకున్నాడు. చాలాచోట్ల సక్సెస్ అయ్యాడు కూడా. వీటి తర్వాత కొంచెం గ్యాప్ ఇచ్చి వచ్చింది భలేభలే మగాడివోయ్. ఇది చిన్నచిత్రాలకు బాహుబలి అనే రేంజ్ లో బ్లాక్ బస్టర్ హిట్ అయ్యి.. ఓ బెంచ్ మార్క్ సెట్ చేసింది. ఒకటి ప్రయోగత్మకం - ఇంకోటి మెసేజ్ ఓరియంటెడ్ కమర్షియల్ మూవీ అయితే.. మరోటి ఫక్తు కామెడీ చిత్రం.

ఆ మూడు బ్లాక్ బస్టర్స్ అయితే.. హిట్స్ అనిపించుకున్న సినిమాలు కూడా మూడున్నాయి. సాయిధరం తేజ్ -హరీష్ శంకర్ కాంబినేషన్ లో వచ్చిన సుబ్రమణ్యం ఫర్ సేల్.. కమర్షియల్ మూవీ హిట్ సాధించింది. చారిత్రాత్మక చిత్రం రుద్రమదేవి కూడా హిట్ రేంజ్ లోకి చేరింది. రెండో ప్రపంచ యుద్ధం కాన్సెప్ట్ గా వచ్చిన కంచె కూడా హిట్ వైపు దూసుకెళుతోంది.

ఇక బోలెడు అంచనాల మధ్య వచ్చిన కిక్ 2 - డైనమైట్ - శివం - బ్రూస్ లీలు ప్రేక్షకులను ఆకట్టుకోవడంలో విఫలమయ్యాయి. ఇవన్నీ అంచనాలు ఎక్కువగా ఉన్న సినిమాలు. మధ్యలో అసలు రానే రాదనుకున్న కొరియర్ బాయ్ కళ్యాణ్ వచ్చి వెనక్కెళ్లిపోగా.. మిగిలిన వన్నీ లో బడ్జెట్ మూవీస్ మాత్రమే. ఇక ఈ ఏడాది రాబోయే వాటిలో అయితే బెంగాల్ టైగర్ - అఖిల్ - సాహసం శ్వాసగా సాగిపో - సోగ్గాడే చిన్ని నాయనాలు పెద్ద సినిమాలు. అనుష్క సైజ్ జీరోపై కూడా అంచనాలు ఎక్కువగానే ఉన్నాయి.