గణేష్‌ పేరుతో టీజర్ లే టీజర్ లు

టాలీవుడ్ కి పండుగలతో భలే లింక్ ఉంటుంది. మాంచి పండగ చూసుకుని మూవీ రిలీజ్ చేసేస్తుంటారు. సెంటిమెంటు, జనాలకు పండగ కావడంతో సినిమా చూసేందుకు టైమ్.. రెండూ కలిసొస్తాయని ఇలా డిసైడ్ చేస్తుంటారు. ఇప్పుడు సినిమా, ఆడియో ఫంక్షన్ లకి.. ఫస్ట్ లుక్స్ - టీజర్స్ - ట్రైలర్స్ - సాంగ్ ప్రోమోస్.. ఇలా చాలా యాడ్ అయ్యాయి.

కొత్త కాన్సెప్ట్ లను బాగానే ఒడిసిపట్టుకున్న టాలీవుడ్ జనాలు.. వీటికి కూడా పండగ రోజులను వాడేసుకుంటున్నారు. ఇప్పుడు రాబోతున్న ఫెస్టివల్ వినాయక చవితి. అందుకే గణేషుడికి ఫస్ట్ లుక్స్ - టీజర్స్ తో విషెస్ - వెల్ కమ్ చెప్పేందుకు సిద్ధమయ్యాయి అనేక సినిమాలు. ఈ జాబితాలో భారీ చిత్రాలు ఉండడం విశేషం.

నందమూరి బాలకృష్ణ 99వ సినిమా డిక్టేటర్. ఈ మూవీ ఫస్ట్ టీజర్ ను వినాయక చవితి సందర్భంగా సెప్టెంబర్ 17రిలీజ్ చేయబోతున్నారు. దీంతోపాటే వీడియో సాంగ్ టీజర్ కూడా వదులుతారట. ఎన్టీఆర్ -సుకుమార్ కాంబినేషన్ లో వస్తున్న నాన్నకు ప్రేమతో చిత్రానికి కూడా ఫస్ట్ పోస్టర్, వీడియో టీజర్ అదే రోజు రిలీజ్ చేయబోతున్నారని తెలుస్తోంది. గణపతిబప్పా అంటూ నందమూరి ఫ్యాన్స్ కు డబుల్ ధమాకా అన్నమాట.

కమల్ హాసన్ నటించిన చీకటి రాజ్యం టీజర్ ని ఒక రోజు ముందే.. అంటే సెప్టెంబర్ 16కే షెడ్యూల్ చేశారు. నాగార్జున కార్తీలు కలిసి నటిస్తున్న మూవీ టైటిల్, ఫస్ట్ లుక్ గణేష్ బర్త్ డే సందర్భంగానే రిలీజ్ చేయబోతున్నారు. కాకపోతే.. ఇన్నింటి మధ్యలో ఎందుకులే అని.. సెప్టెంబర్ 18కి ఫిక్సయారు వీళ్లు.