కేన్స్ ఉత్స‌వాల్లో టాలీవుడ్ నిర్మాత‌

ప్రాన్స్ లో కేన్స్ ఫిలి పెస్టివ‌ల్స్ అంగ‌రంగ వైభంగా జ‌రుగుతోన్న సంగ‌తి తెలిసిందే. ఈసారి భార‌త్ నుంచి ఎక్కువ‌గానే న‌టీమ‌ణ‌లు హాజ‌ర‌య్యారు. బాలీవుడ్ స‌హా టాలీవుడ్ లో సినిమాలు చేసిన హీరోయిన్లు హాజ‌రై కేన్స్ కి మ‌రింత వన్నే తెచ్చారు. త‌మ‌న్నా..పూజాహెగ్గే..ఐశ్వ‌ర్యారాయ్..హీనా ఖాన్ ..దీపికా ప‌దుకొణే లు రెడ్ కార్పెట్ పై మిరుమిట్లు గొలిపించారు.

ఈసారి కేన్స్ లో దీపిక ఏకంగా జ్యూరీ స‌భ్యురాలి హోదా లో బాధ్య‌త‌లు వ‌హించారు. ఈ సంద‌ర్భంగా కేన్స్ ఉత్స‌వాల్లో ఇండియా కి ద‌క్కుతోన్న ఆద‌ర‌ణ గురించి చెప్పుకొచ్చారు. ఏదో ఒక‌రోజు కేన్స్ ఉత్స‌వాలు భార‌త్ లోనూ ఘ‌నంగా జ‌రుగుతాయ‌ని..అది ద‌గ్గ‌ర్లోనే ఉంద‌ని ధీమా వ్య‌క్తం చేసారు. రెడ్ కార్పెట్ వాక్ అనంత‌రం ఒక్కొక్క‌రుగా ఇండియాకి తిరుగు ప్ర‌యాణం అవుతున్నారు.

తాజాగా కేన్స్ ఉత్స‌వాల్లో భార‌త్ త‌రుపున టాలీవుడ్ నిర్మాత సి.క‌ళ్యాణ్ ప్రాతినిధ్యం వ‌హిస్తున్న సంగ‌తి ఆలస్యంగా వెలుగులోకి వ‌చ్చింది. కేన్స్ అమృత్ మ‌హాత్స‌వ కార్య‌క్ర‌మంలో క‌ళ్యాణ్ పాల్గొన్నారు. ఈ సంద‌ర్భంగా నిర్మాత- సూప‌ర్ స్టార్ మ‌హేష్ ఫోటో తో దిగిన ఓ ఫోటో ఇప్పుడు నెట్టింట వైర‌ల్ గామారింది. మెడ‌లో కేన్స్ ఐడీ కార్డు ధ‌రించి.. మ‌హేష్ ఫోటో ఒడిలో పెట్టుకుని దిగిన ఫోటోల‌ని గ‌మ‌నించ‌వ‌చ్చు.

కేన్స్ ఉత్స‌వాల‌కు వెళ్ల‌డం సి. క‌ళ్యాణ్ కి కొత్తేం కాదు. గ‌తంలో 2017లోనూ హాజ‌ర‌య్యారు. అప్పుడు మెగాస్టార్ చిరంజీవి ఫోటోతో ఇలాగే ఫోటో దిగిన‌ట్లు పాత ఫోటోని గ‌మ‌నించ్చు. అయితే అప్పుడు సౌత్ ఇండియ‌న్ ఫిలిం ఛాంబ‌ర్ ప్రెసిడెంట్ హోదాలో కేన్స్ కి హాజ‌ర‌య్యారు. సౌత్ వ్యాప్తంగా ఆయ‌న‌కున్న ప‌రిచ‌యాలు అనన్య సామాన్య‌మైన‌వి.

అన్ని ఫిలి ఛాంబ‌ర్ అధ్య‌క్షులుతో మంచి ప‌రిచ‌యాలున్నాయి. ఆ కార‌ణంగా సౌత్ ఇండియాన్ ఫిలిం ఛాంబ‌ర్ అధ్య‌క్షుడిగానూ కొన్నాళ్ల పాటు బాధ్య‌త‌లు నిర్వ‌ర్తించ‌గ‌లిగారు. సి. క‌ళ్యాణ్ సి. కె ఎంట‌ర్ టైన్ మెంట్స్ పేరుతో బ్యాన‌ర్ స్థాపించి సినిమాలు నిర్మిస్తున్న సంగ‌తి తెలిసిందే.