జైలు నుండి టాలీవుడ్‌ వస్తున్నాడట

మొన్ననే ఆయన జైలు నుండి రిలీజ్‌ అయ్యాడు. కనక్టయిపోయారుగా.. ఆయనే మన సంజయ్‌ దత్‌. అయితే బాలీవుడ్‌ లో ఆయన ఇద్దరు ముగ్గురు డైరక్టర్లతో కలసి సినిమాను చేయడానికి రెడీ అయిపోతున్నాడు. మరో రెండు నెలల్లో రెండు ప్రాజెక్టులు షూటింగ్‌ మొదలవుతాయి. ఇదంతా ఒకెత్తయితే.. అసలు మనోడు టాలీవుడ్‌ లోకి అడుగు పెడతాడనేది ఫిలిం నగర్‌ టాక్‌.

ఇప్పటికే తమిళనాట నుండి సత్యరాజ్‌.. మలయాళం నుండి మోహన్‌ లాల్‌.. కన్నడ నుండి ఉపేంద్ర.. వంటి సూపర్‌ స్టార్ల కోసం మనం ఎగబడుతున్నాం. అలా వేరే బాషల్లోని సూపర్‌ స్టార్లను ఇక్కడకు రప్పిస్తే.. ఫిలిం వాల్యూ పెరగడమే కాదు.. వారి లోకల్‌ బాషల్లో కూడా సినిమాకు మార్కెట్‌ బాగా పెరుగుతుందని మన దర్శకనిర్మాతల ఆలోచన. అందుకే ఇప్పుడు సంజయ్‌ దత్‌ ను కూడా ఇక్కడ దించేద్దాం అని చూస్తున్నారట.

సంజయ్‌ కు దర్శకుడు రామ్‌ గోపాల్‌ వర్మ బాగా క్లోజ్‌. అదే రూటులో ఆయన శిష్యుడు పూరి జగన్‌ కూడా సంజయ్‌ కు బాగా క్లోజయ్యాడట. ఇద్దరూ కలసి మనోడిని ఏదో ఒక సినిమాతో తెలుగు తెరకు పరిచయం చేయాలని చూస్తున్నారు. అంటే జైలు నుండి ఫ్రీ మ్యాన్‌ గా బయటకు అడుగుపెట్టిన సంజయ్‌ కు.. ఇక తెలుగులో ఎంట్రీ ఇవ్వడమే తరువాయి.