కేజీఎఫ్‌ః దర్శకుడికే కాదు యశ్‌ కు వల వేస్తున్నారు మనోళ్లు!

కేజీఎఫ్ కు ముందు వరకు కన్నడ సినిమాల గురించి దర్శకులు హీరోల గురించి ఇతర భాషల ఫిల్మ్‌ మేకర్స్ పెద్దగా పట్టించుకునే వారు కాదు. ఎప్పుడైతే కేజీఎఫ్ వచ్చిందో అప్పటి నుండి ప్రశాంత్‌ నీల్ మరియు యశ్‌ ల గురించి దేశ వ్యాప్తంగా చర్చ జరుగుతోంది. ప్రశాంత్ నీల్‌ దర్శకత్వంలో సినిమా ను చేసేందుకు మైత్రి మూవీస్ వారు ఎప్పుడో ఆయనకు అడ్వాన్స్ ఇచ్చేశారు. మరికొందరు పెద్ద నిర్మాతలు కూడా ప్రశాంత్‌ నీల్ కు అడ్వాన్స్ ను ఇచ్చేందుకు వెంట పడుతున్నట్లుగా వార్తలు వచ్చాయి. కేవలం దర్శకుడు ప్రశాంత్‌ నీల్ కు మాత్రమే కాకుండా హీరో యశ్‌ కు కూడా తెలుగు నిర్మాతలు అడ్వాన్స్ లు ఇచ్చేందుకు ముందుకు వస్తున్నారట.

యశ్‌ తో పాన్ ఇండియా సినిమాలను నిర్మించేందుకు టాలీవుడ్ నిర్మాతలు పలువురు ప్రయత్నాలు చేస్తున్నారట. కేజీఎఫ్‌ 2 తర్వాత యశ్‌ తో సినిమా కోసం పలువురు బాలీవుడ్ నిర్మాతలతో పాటు టాలీవుడ్ నిర్మాతలు కూడా ప్రయత్నాలు చేస్తున్నారనే ప్రచారం జోరుగా సాగుతోంది. ఇటీవల ఒక ప్రముఖ నిర్మాణ సంస్థకు యశ్‌ ఓకే చెప్పాడని భారీ మొత్తంలో అడ్వాన్స్ గా ఇవ్వడంతో యశ్‌ గ్రీన్ సిగ్నల్‌ ఇచ్చాడనే వార్తలు వస్తున్నాయి. యశ్‌ కు ప్రస్తుతం పాన్ ఇండియా స్టార్‌ డం ఉంది. కనుక ఆయన్ను ఇలా బుక్ చేసుకునేందుకు పోటీ పడుతున్నారు. కేజీఎఫ్‌ 2 తర్వాత యశ్‌ నటించబోతున్న సినిమా ఏంటా అని అంతా ఆసక్తిగా ఎదురు చూస్తున్నారు.