టాలీవుడ్ స్టార్స్.. ఇదేమి దరిద్రమో..?

టాలీవుడ్ సినిమా ఇండస్ట్రీలో గతంలో ఇప్పుడు లేనివిధంగా పెద్ద హీరోలకు కొన్ని చేదు అనుభవాలు ఎదురవుతున్నాయి. పాన్ ఇండియా సినిమాలు బిగ్ బడ్జెట్ సినిమాలు స్ట్రాంగ్ గానే మొదలవుతున్నప్పటికీ కూడా షూటింగ్ దశలోకి వచ్చే వరకు మాత్రం కొన్ని ఇబ్బందులు అయితే ఎదురవుతున్నాయి. అంతేకాకుండా మరికొందరు మేకింగ్ విధానంలో విడుదల తేదీ విషయాలలో కూడా చిక్కులు పడుతున్నారు.

ఇక అందరికంటే ముందుగా ప్రభాస్ ఐతే బాహుబలి తర్వాత అసలైన సక్సెస్ కూడా అందుకోలేకపోయాడు. ఇప్పుడు ఆదిపురుష్ సినిమాకు సంబంధించి విడుదల తేదీపై చర్చలు కొనసాగుతున్న విషయం తెలిసిందే. గ్రాఫిక్స్ పై తీవ్ర స్థాయిలో ట్రోలింగ్స్ ఎదుర్కొన్న ఈ సినిమా తప్పకుండా సంక్రాంతికి వచ్చే అవకాశం లేదని తెలుస్తోంది. ఇక రాంచరణ్ 15 సినిమా షూటింగ్ కూడా చాలా ఆలస్యం అవుతుంది.

మరోవైపు శంకర్ ఇండియన్ 2 సినిమాను స్టార్ట్ చేయడం వలన రామ్ చరణ్ సినిమాపై ప్రభావం పడింది. అందుకే సినిమా ఆలస్యంగానే ప్రేక్షకుల ముందుకు వచ్చే ఛాన్స్ ఉంది. ఇక జూనియర్ ఎన్టీఆర్ కొరటాల శివ కలయికలో రాబోయే ఎన్టీఆర్ 30వ సినిమా కూడా షూటింగ్ ఇంకా మొదలు కాకపోవడం ఆశ్చర్యాన్ని కలిగిస్తోంది. ఇక మహేష్ బాబు త్రివిక్రమ్ ప్రాజెక్ట్ మొదలు కావడానికి చాలా సమయం తీసుకుంది.

ఇప్పుడు చిత్ర యూనిట్ సభ్యులలో కోఆర్డినేషన్ మిస్ కావడంతో మరో షెడ్యూల్ స్టార్ట్ చేయడానికి మరోసారి చర్చలు జరపాల్సి వస్తుంది. ఇక అల్లు అర్జున్ పుష్ప సెకండ్ పార్ట్ మొదలు కావడానికి కూడా చాలా సమయం తీసుకోవడం మరింత ఆశ్చర్యాన్ని కలిగించింది. ఈ సినిమా షూటింగ్ అయిన సుకుమార్ తొందరగా ఫినిష్ చేస్తాడా లేదా అనేది చూడాలి.

అయితే అందరి పరిస్థితి ఒకలా ఉంటే పవన్ కళ్యాణ్ మాత్రం ఒప్పుకున్న సినిమాలను కూడా క్యాన్సిల్ చేసుకుంటున్నాడు. హరిష్ శంకర్ తో భవదీయుడు భగత్ సింగ్ అనే సినిమా చేయాల్సింది. అలాగే సురేందర్ రెడ్డితో కూడా ఒక సినిమా చేయాలని అనుకున్నాడు. కానీ రాజకీయాల కారణంగా అలాగే ఇతర కమిట్మెంట్స్ కారణంగా ఇప్పుడు ఆ ప్రాజెక్టుల నుంచి తప్పుకునే పరిస్థితి ఏర్పడింది. ఈ విధంగా టాలీవుడ్ అగ్ర హీరోలు కాస్త బ్యాడ్ టైం ఎదుర్కొంటున్నారు అనే చెప్పాలి.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.