అలా సరిపెట్టేసుకుంటున్నారు!!

టాలీవుడ్ లో డైరెక్టర్లకు ఏ మాత్రం కొరత లేదు. ఒకరిద్దరు మినహాయిస్తే.. వేరే భాష నుంచి వచ్చి ఇక్కడ సెటిల్ అయిపోయిన దర్శకులు కనిపించరంటే అందుకు కారణం.. మన దర్శకుల ప్రతిభే. మనోళ్ల బాలీవుడ్ కి వెళ్లి సత్తా చాటిన సందర్భాలు కనిపిస్తాయి కానీ.. వాళ్లొచ్చి తెలుగు సినిమాలను దున్నేసినవి అంతగా ఉండవు.

ఇలాంటి వారిలో చెప్పుకోదగ్గ వ్యక్తి దేవ్ కట్టా. వెన్నెల.. ప్రస్థానం లాంటి మూవీస్ తో టాలీవుడ్ లో బోలెడంత పేరు తెచ్చుకున్న ఈయన.. తర్వాత స్లో అయిపోయాడు. డైనమైట్ అంటూ విష్ణుకి భారీ ఫ్లాప్ నే ఇచ్చాడు. ఈ ప్రతిభావంతుడైన దర్శకుడు.. ఇప్పుడు జాగ్రత్తగా యాడ్స్ తీసేసుకుంటున్నాడు. ఒకటీ అరా సినిమాలకు దర్శకత్వం వహించనున్నాడనే వార్తలొస్తున్నాయ్ కానీ.. ఈయన యాడ్స్ కే పరిమితం అయిపోయినట్లుగా కనిపిస్తోంది.

మెహెర్ రమేష్ పరిస్థితి వేరేగా ఉంటుంది. స్టైలిష్ డైరెక్టర్ అనే పేరు ఉంది కానీ.. ఒక్క మూవీని కూడా సక్సెస్ చేయలేక సైడైపోయాడు. రీసెంట్ గా ఓ రియల్ ఎస్టేట్ సంస్థకు మహేష్ అండార్స్ చేస్తే.. ఆ యాడ్ కు డైరెక్టర్ మెహెర్ రమేష్. వీళ్లే కాదు ఫుల్ జోష్ లో ఉన్న త్రివిక్రమ్ కూడా యాడ్స్ తీసేస్తూ ఉంటాడు. ఇలా ఫిలిం ఇండస్ట్రీలో పేరు తెచ్చుకున్న కొందరు దర్శకులు.. యాడ్స్ చిత్రీకరణలో తలమునకలై పోతున్నారు.

Like Us on Facebook : https://www.facebook.com/Tupakidotcom/