ద్వితీయార్ధం దిమ్మతిరుగుతుందా?

మినిమమ్ నెలకొక హిట్ తో ఈ ఏడాది మొదటి సగం మంచి విజయం సాధించిన సంగతి మనం ముందుగానే చెప్పుకున్నాం. ఫస్ట్ హాఫ్ మంచి హిట్ అయ్యింది గాబట్టి సెకండ్ హాఫ్ తెలుగు సినిమాల మాదిరే ఇంకా హిట్ అయ్యి ఇయర్ ని బ్లాక్ బస్టర్ గా మార్చడానికి చాలానే పెద్ద సినిమాలు క్యూలో వెయిట్ చేస్తున్నాయి.

ముందుగా ఈ ఏడాది రెండు సినిమాలతో మెరవనున్న తారక్ గురించి చెప్పుకోవాలి. పొంగల్ కి నాన్నకు ప్రేమతో తో అలరించిన తారక్ ఇప్పుడు కొరటాల కాంబినేషన్ లో జనతా గ్యారేజ్ లో రిపేర్ లకు సిద్ధమవుతున్నాడు. ఈ సినిమా ఆగష్టు 12న విడుదలకానుంది. రామ్ చరణ్ బ్రుస్ లీ తరువాత సుదీర్ఘ విరామం తీసుకుని ఇప్పుడు తమిళ సూపర్ హిట్ తనీ ఒరువన్ లో నటిస్తున్నాడు. ఈ చిత్రాన్ని తనకి అచ్చోచ్చిన దసరా సీజన్ లో విడుదల చేయడానికి సిద్ధపడుతున్నాడు.

ప్రేమకధా చిత్రాల నాయకుడిగా పేరు తెచ్చుకున్న చైతూ ప్రేమమ్ రీమేక్ తో మనల్ని పలకరించనున్నాడు. వెంకీ బాబు బంగారంతో కామెడీ చెయ్యడానికి సిద్ధపడుతున్నాడు. ఇవేకాక గోపీచంద్ ఆక్సిజన్ - సాయి ధరమ్ తిక్క నోటెడ్ సినిమాలు. రజిని కబాలి - స్పీల్బర్గ్ BFG సినిమాలు ఈ జులైతో పేరు తెచ్చుకున్న పరభాషా సినిమాలుగా విడుదలవుతున్నాయి.