ఆ నలుగురు.. సరైన హిట్ ఎవరిది?

టాలీవుడ్ కి ఆగస్ట్- సెప్టెంబర్ నెలలు ఇప్పటికే ఫుల్ ప్యాక్ అయిపోయాయి. ఆగస్టులో మొదటి శుక్రవారమే రెండు సినిమాలు థియేటర్లలోకి వచ్చేయగా.. శ్రీరస్తు శుభమస్తు- పెళ్లి చూపులు రెండు చిత్రాలకు హిట్ టాక్ వచ్చేసింది. కలెక్షన్స్ కూడా బాగా వస్తున్నాయి. అయితే.. ఈ రెండు సినిమాలకు భారీభారీ వసూళ్లు సాధించే సత్తా మాత్రం లేదు. ఇంకా చెప్పాలంటే బ్లాక్ బస్టర్ అనేసే రేంజ్ హిట్స్ అవుతాయనే హోప్స్ లేవు.

వచ్చే వారం (ఆగస్టు 12) వెంకటేష్ నటించిన బాబు బంగారంతో పాటు మెగా హీరో సాయి ధరం తేజ్ నటించిన తిక్క రిలీజ్ కానుంది. ఆ తర్వాత వారం (ఆగస్టు 19) కూడా రెండు సినిమాలు థియేటర్లలోకి వస్తున్నాయి. ఆది నటించిన చుట్టాలబ్బాయి.. సుశాంత్ హీరోగా ఆటాడుకుందాం రా మూవీలు విడుదల కానున్నాయి. మరి వీటిలో అయినా బ్లాక్ బస్టర్ అనిపించుకునే సినిమా ఏదన్నా ఉందా అన్నదే అసలు పాయింట్.

స్టైలిష్ స్టార్ అల్లు అర్జున్ మూవీ సరైనోడు బ్లాక్ బస్టర్ తర్వాత తెలుగులో చాలా సినిమాలొచ్చినా ఏదీ హిట్ కాలేదు. జూన్ లో అ..ఆ.. - జెంటిల్మన్ తర్వాత థియేటర్లు కళకళ్లాడలేదు. కబాలితో రజినీకాంత్ అయినా మెరిపిస్తాడనుకుంటే చివరకు ఏడిపించేశాడు. ఇప్పుడీ నాలుగు సినిమాల్లో ఏదైనా బ్లాక్ బస్టర్ అనిపించుకుంటే.. అటు థియేటర్లకు.. ఇటు ఆడియన్స్ కు ఫుల్లు హ్యాపీస్.