టికెట్ కౌంటర్: బాబుకే బంగారం

గత వారం రిలీజ్ అయిన సినిమాలు బాక్సాఫీస్ దగ్గర కనీస మాత్రం వసూళ్లు కూడా దక్కించుకోలేకపోయాయి. దీంతో జనాలకు పెద్దగా ఛాయిస్ మిగల్లేదు. సినిమా చూడాలని ఉత్సాహం చూపేవాళ్లకు బాబు బంగారం కంటే బెస్ట్ ఆప్షన్ కనిపించలేదు.

1.బాబు బంగారం : వెంకటేష్ నయనతార జంటగా నటించిన బాబు బంగారం.. థియేటర్లలో బంగారం పండిచేయకపోయినా.. పర్లేదనిపించే స్థాయిలోనే కంటిన్యూ అవుతోంది. మొదటి వారం ముగిసేనాటికి 20 కోట్ల కలెక్షన్స్ రాబట్టి ఫస్ట్ ప్లేస్ లో నిలిచిన ఈ సినిమా.. రెండో వారాంతంలో కూడా మంచి వసూళ్లను సాధించింది. అయితే.. మరో వారం నిలకడగా ఉంటేనే.. దీని బయ్యర్లు సేఫ్ జోన్ లోకి ఎంటర్ అవుతారు.

2. చుట్టాలబ్బాయి: యంగ్ హీరో ఆది కెరీర్ లో మరో ఫ్లాప్ వచ్చి చేరడంతో.. ఫ్లాపులతో వరుసగా రెండు హ్యాట్రిక్ లు కొట్టినట్టయింది. విమర్శకులనే కాదు ఆడియన్స్ ను ఆకట్టుకోవడంలో కూడా ఈ సినిమా కంప్లీట్ ఫెయిల్యూర్.

3. శ్రీరస్తు శుభమస్తు: అల్లు శిరీష్ మూవీ శ్రీరస్తు శుభమస్తుకు రెండు తెలుగు రాష్ట్రాల్లో చెప్పుకోదగ్గ స్థాయిలోనే కలెక్షన్స్ వస్తున్నాయి. షేర్ స్టడీగా ఉండడంతో.. థియేటర్లలో దీన్ని కొనసాగించాలనే నిర్ణయించారు. కొత్త సినిమాలు ఆకట్టుకోలేకపోవడం కూడా శ్రీరస్తుకి కలిసొచ్చిందనే చెప్పాలి.

4. ఆటాడుకుందాం రా: కామెడీ చిత్రాల దర్శకుడిగా మంచి పేరే ఉన్నా.. ఆటాడుకుందాం రా విషయంలో జి. నాగేశ్వరరెడ్డి కంప్లీట్ గా ఫెయిల్ అయ్యాడు. ఏళ్ల పాటు ఎదురుచూసినా.. సుశాంత్ కి ఆశించిన హిట్ దక్కలేదు.

5. పెళ్లిచూపులు: థియేటర్ల కౌంట్ తక్కువగా ఉన్నా.. ఉన్న సెంటర్లవరకూ పెళ్లిచూపులు మంచి వసూళ్లనే సాధిస్తోంది. యూఎస్ లో మిలియన్ డాలర్లు అందుకున్న చిన్న మూవీగా రికార్డు సృష్టించడమే కాదు.. పెట్టుబడితో పోల్చితే ఇంత పెద్ద బ్లాక్ బస్టర్ తెలుగులో ఈ మధ్య రాలేదని ఒప్పుకోవాల్సిందే.